كل اللي ممكن تتخيلة عن فريق the cranberries البومات و كليبات مش هتلاقيها غير هنا بس

[•||Bakenam||•]

النهاردة ان شاء الله انا عاملكم موضوع عن فريق هو ماخدش في المنتدي بتاعنا حقه بينا وهو فريق





The Cranberries













اولا نبذة عن الفريق



هو فريق ايرلندي يتكون من


Dolores O'Riordan Vocals , guitar

Noel Hogan guitar , vocals

Mike Hogan bass guitar, vocals

Fergal Lawler drums , percussion


حقق الفريق ده مبيعات وصلت 43 مليون البوم في انحاء العالم من غير السنجلات

و للاسف انفصل الفريق سنة 2003 و مشي كل واحد منهم في طريق غنائي منفصل



تاريخ تكوين الفريق






تكون فريق the cranberries عام 1990 علي يد الاخوين Noel , Mike Hogan بالاشتراك مع ال drummer Fergal lawler
اسم الفريق في الاول كان Cranberyy Saw Us
مغنية الفريق في الوقت ده كانت Niall Quinn و اللي كان ليها ذوق غريب و شاذ شويه في عمل و اختيار اسماء الاغاني زي مثلا اغنية My Grandma Drowned in a Fontani in Lourdes
I was always all waysThrow me down a big stairs
لما انفصلت عن الفريق قدمت Dolores O'Riordan و اللي كانت في الوقت ده صديقه ل Niall's girl friend لتجربة اداء صوتي للفريق و فعلا نجحت في الاختبار و اصبحت هي مغنية الفريق
بعد فترة بسيطة بان موهبتها كمان في تاليف الاغاني و ده ظهر لما الفريق قدم ليها لحن كانوا شغالين فيه و خدت هي اللحن ورجعت اليوم اللي بعده بمجموعه كامله من القصايد للاغنيه و اللي اصبحت واحدة من انجح الاغاني اللي عملوها و كانت بعنوان linger
في الاول عملوا شريط hand-made demo و نجح علي المستوي المحلي بعد كده قدروا انهم يسجلوا اول البوم ليهم يتباع في محلات الكاسيت في انحاء ايرلندا
بعد بيع حوالي 300 نسخه من الالبوم, غير الفريق اسمة للاسم اللي مشهور بيه دلوقتي و هو The Cranberries و بعتوا اصدار جديد من الالبوم لشركات تسويق في انجلترا و اتعمل الالبوم بالفعل في Xeric studios و اللي كان مديرها في الوقت ده Pearse Gilmore و اللي اصبح مدير اعمالهم بعد كده
الالبوم ده لفت انتباه الصحافه البريطانيه و كمان شركات التسجيل و اصبح فيه حرب مابينهم علي جذب الفريق ده للتوقيع ليهم
و بالفعل وقع الفريق لشركة Island Records
بعد كده انتجوا اول single ليهم بعنوان uncertain لكنه مالفتش انتباه الصحافه و مانجحش النجاح المتوقع يمكن عشان اسم الsingle اللي بيقولي عليه نبوئي او ديني و كمان عشان وجود خلافات بين اعضاء الفريق و مدير اعمالهم Gilmore خصوصا لما عرفوا انه استغل اسم الفريق و اتفق مع شركة Island عشان تعمله تحسينات في الاستوديو بتاعه و ده يمكن اثر علي اداءهم في السينجل ده و خلاه فعلا ضعيف
الا انهم انهوا علاقتهم ب Gilmore و تعاقدوا مع واحد تاني اسمه Geoff Travis من شركة Rough Trade Records كمدير اعمالهم و تعاقد بدوره مع Stephen Street اللي كان بيتشغل قبل كده مع فريق The Smiths كمنتج فني
بعد كده اصدر الفريق اول البوم ليهم Everybody Else Is Doing It , So Why Can't We? في ربيع 1993 و اعقبه انتاجهم لسينجل بعنوان Dreams
لا الالبوم و لا السينجل قدر انه يشد الانتباه في الوقت ده
حتي بعد نزول تاني سينجل ليهم اللي كان بعنوان Linger
لحد ما عمل الفريق جوله غنائيه قدر يجذب بيها انتباه MTV و اللي سوقت لفيديوهاتم بغزاره
بعد الجوله ده تزوجت O'Riordan من مدير رحلة الفريق الغنائيه Don Burton في احتفال علني في يوليو 1994
الزواج ده مع نجاح الفيديوهات علي الMTV اكد دور O'Riordan كمحور اساسي في الفريق و خصوصا بعد نزول البوهم التاني No Need to Argue

و قدر يحقق المركز السادس في احصائيات الولايات المتحدة

سنة 1995 عملوا جوله تانيه و نزلوا سينجلين بعنوان I can't be with you
و Rediculous Thoughts

و حتي الان الالبوم بيحقق ايرادات كويسه و قدر ياخد diamond في كندا و سويسرا و سبع مرات platinum في اميركا محققين مبيعات لحوالي 7 مليون نسخه

في اول 1995 سجلوا MTV Unplugged performance في اميركا و لعبوا في الاستعراض ده تسع اغاني بس من غير ماينزلوا ليه البوم رسمي

الالبوم اللي بعد كده كان اسمه To the Faithful Departed وده كان بيغلب عليه طابع الروك و مالقاش الالبوم ده استحسان من النقاد اللي كانوا بيساندوهم قبل كده لدرجة ان مجلة Q Magazine حطت الالبوم ده ضمن 50 Worst Albums of All Time اللي عملت نزلته سنة 2006

السينجل اللي في الالبوم Salvation فشلت انها تحقق النجاح اللي حققته Zombie او Linger
الا انها قعدت حوالي 4 اسابيع في قمة ال Billboard Modern Rock chart

و حقق الالبوم double platinum و اللي كان خيبة امل ليهم بعد اللي حققه الالبوم اللي قبل كده

سنة 1999 انتج الفريق البوم Bury the Hatchet و اول اغنيه سينجل نزلت في فبراير باسم Promises و نزل معاها video clip من عنل مخرج فرنسي Olivier Dahan

و نزل الالبوم في ابريل 1999 و وصل للمركز السابع في انجلترا و المركز ال 13 في الولايات المتحدة
و كان اكتر اغنية سينجل نجحت من الالبوم هي اغنية Promises و اللي وصلت للمركز ال 13 في انجلترا و ال34 في اميركا

تاني سينجل من الالبوم Animal Instinct ماقدرش يوصل ل top 40 في انجلترا
تالت سنجل كان بعنوان Just my Imagination
رابع سينجل كان بعنوان You & me

بعد كده عمل الفريق جوله غنائيه في ابريل 1999 و خلصت في يونيو 2000 وكانت الجوله ده انجح و اكبر جوله غنائيه في تارخهم الفني و حقق البوهم مبيعات وصلت ل 3 و نص مليون نسخه و لحد دلوقتي بينتج هذا الالبوم و حقق الالبومات ده مبيعات كبيره جدا في فرنسا و ايطاليا و اسبانيا و تايوان

في اكتوبر 2001 اصدر الفريق البوم Wake Up and Smell the Coffee
الالبوم ده حقق المركز ال 46 في الولايات المتحدة و ال 61 في انجلترا
يمكن الالبوم ده كان اقل الالبومات نجاحا بالنسبه للفريق الا انه ساعدهم انهم يرجعوا للساحه الغنائيه تاني في الولايات المتحده

اول اغنيه سينجل من الالبوم Analyse ماقدرتش تحقق اي مركز في ال Top 75 في انجلترا و كانت فعلا اقل اغاني السينجل نجاحا للفريق

في فبراير 2002 نزلوا تاني سينجل بعنوان Time is ticking out و بعدها بشهور نزلزا سينجل تاني بعنوان This is the dayالاغنيتين ما وصلوش لل UK singles charts الا ان الالبوم حقق مبيعات وصلت لواحد و نص مليون نسخة لحد دلوقتي

في السنه اللي بعدها نزلوا greatest hits compilation بعنوان Stars the best of 1992 – 2002 مع DVD بيحتوي علي الفيديوهات بتاعة الفريق
اغنية New New York من الالبوم كانت نازله عن احداث سبتمبر في الولايات المتحده و حققت نجاح ووصلت للمركز ال 20 في بريطانيا

في نفس السنه ده حصل الفريق علي جايزه في تايوان عن احسن باند عالمي عمل مبيعات في تايوان عن البوم Stars
عملوا بعد كده جوله غنائيه في اوروبا في نص اكتوبر 2002 و خلصت في ديسمبر من نفس السنه
في سبتمبر 2007 علي الرغم من شغلهم في البوم جديد الا انهم اعلنوا انهم عايزين ياخدوا فرصتهم في العمل المنفرد لكل عضو من اعضاء الفريق
و فعلا انتجت Dolores O'Riordan اول البوم ليها بعنوان Are you listening في 2007
Noel Hogan عمل باند تاني باسم Mono band
Fergal lawler دلوقتي بقي عضز في The Low Network و اللي انتجوا اول البوم ليهم في 2007






دلوقتي معادنا مع الالبومات و الكليبات المرة ده انا منظم الالبومات و الكليبات بحيث يكون و را كل البوم الكليبات اللي اتعملت علي الاغاني اللي في الالبوم ده

الموضوع الأصلي: كل اللي ممكن تتخيلة عن فريق the cranberries البومات و كليبات مش هتلاقيها غير هنا بس || الكاتب: Bakenam || المصدر: منتديات بانى ستار

https://forum.b7st.com/

كلمات البحث

افلام,افلام عربى,افلام اجنبى,افلام هندى,افلام هندية,افلام كرتون,افلام عربية,افلام مصرية,افلام جديدة,اغاني,العاب,اغاني mp3,اغاني عربية,اغاني شعبيه,اغاني اجنبية,اغاني طرب,اغاني تامر حسني,عمرو دياب , فيديو,فيديو كليب,فيديو كليبات,فيديو رقص,فيديو بنات,مقاطع فيديو,مقاطع فيديو بنات,مقاطع مضحكة,مقاطع بلوتوث,مقاطع اغاني,تعليم لغات,قاموس,قانون,شعر,سلمى حايك,هيفاء وهبى,نانسى عجرم,نور,مهند