لعبة العالم الثاني

[•||انسان بلا هدف||•]

مسيتـو بالنور وصبحتوا بالسرور .. <- ماتجي ولكن أن شاء الله أنها تدخل مخـكم

والله بعضنا مايدري وش يسوي اذا طق فيه عرق [ الطفش ] لدرجه أن بعض الشعب

الخليجي والسعودي ادمن ترافيان لدرجه أنه لو تلقي نظرهـ على [ مفضله الجهاز ] راح

تحصل كل سيرفرات ترافيـان وماراح تحصل غيرها .. وحتى لو تناظر المستندات على سطح

المكتـب راح تلاحظون مستندات لـ اليوزرات والباسوورد في سيرفرات ترافيـان <- على كذا

يبي لنا نطالب بتكوين دائره حكوميه تكافح الألعاب الالكترونيه مثل مكافحه المخدرات والتسول

و ...... و ..... الخ ..


فـ بعد مقدمتنـا الأولى اللي تطرقنـا فيهـا لـ ترافيـان ونتفنـا فيهـا .. ندخل في المقدمـه الثانيه

<- بنقالي اول مره ينزل موضوع وحاط مقدمتين

.

.

البعـض منا عانى في حياته لدرجه أن بعضنا صارت احلامه اكثر من ايام عمرهـ واليكم انا

أقرب مثال على هذا .. حتى أني صرت اتحلم بأي وظيفـه وآنـآ للحين مـآخلصت الثنويه من بعد ماكنت اطمح لـ دكتور ومهندس

ولكن الظروف تخلي الواحد خروف .. فـ قلت اللي يجي من الله حياه الله .. وبلا طموح وبلا مهايط

مره ثـانيه وهـ أنا ادفـع بـ عجلـه الحيـاه باحثاً عن وظيفـه ولكن العجله في كل مرهـ تخون وترجـع

ريـوس وتدعـس علي <- تعبيـر مجازي مـع شويه عربجـه فـ بحثت عن شيء يخليني

اتعـايش مـع حلمي ووجـدت لعبـه تسمـى باللغه الخواجيه " secondlife " وتسمى باللغـه

العربيه " الحياه الثانيه " وتسمى باللغـه المنسمـه " صكندلايف " <- آخر وحده لأحد

يصدقهـا ..

الموهيـــم ..

هذي اللعبـه تخليك تعيش عالمك الثاني .. وانا عشت عالمي الثاني فيها بصراحه حتى

أني جحدت أهلي في العالم الثاني وعشت مع مجموعه ايطالييين ولكهم طلعوا سرابيت و

لعبـوا علي وانحاشوا لـ ديره مايعلم بها الا الله .. طبعاً لو اتكلم لكم عن المواقف الطريفـه وربي

ماراح اخلص " طبعاً المواقف انا نفسياً عايشتها "

نبـذه عـن اللعبـه :

اللعبـه تجسد لك عالم ثاني أفتراضي فيه الملايين من اللأعبين والبشر في شتى دول العالم

تقدر تسولف معهم وتأخذ علومهم وتتزوج منهم وتقدر تتوظف عندهم وتقدر تكون رئيس دوله

وتقدر تكون لك شركات ومؤوسسات وتقدر وتقدر وتقدر ....... الخ وكأنك في العالم الحقيقي ..

وحتى أنك تقـدر تؤدي فرائض الحج والعمره وتصلي وتروح للكنائس وتلعب مع انديه أقول لكم

بمختصر الكلام المشوق هذا أن اللعبـه كأنهـا الحياه الواقعيـه يعني بتنبسطون أن شاء الله

عليهـا خصوصاً اللي ماتحققت احلامهم مثلي <- طلعت " مُـضطهد يامنسم "



.

.

وتخيلـو أن الحكومه السويديه فتحت لهم أول سفاره وهميه باللعبـه وكذالك بعض الحكومات ..

وايضاً شركة تويوتا للسيارات فتحت معارض في اللعبـه .. يعني العبـه بالمختصـر المفيـد

عالميـه وتدخلـك الواقـع من أوسـع أبوابوو <- على قولة الأخوان في العالم الثاني ( واحد مدمن )

وحسب مصادري المنسمـه أن رئيس وزراء تايلاند يلعبهـا .. وشخصيات مهمه تضيع وقتها

هنـاك ..


قبـل التسجـيل نقـاط هـامـه ومفيـده لـكم :

1 ) الألمـام باللغـه الأنقليـزيه لأنهـا اللغـه الوحيـده اللي يتخاطبـون فيهـا النـاس واذا ماتعرف

روح لـ ترجمـه قـوقل وخلـه فاتح معـك 24 سـاعـه عشـان يترجم لك ..

2 ) حجـم تحميـل اللعبـه بسيـط ولكـنها مع التثبيت تحتـاج لـ مساحه كـافيه للجهـاز <- لاتخافون

انا مثبتهـا والكمبيوتر حقي جربان بس عاد حصل لي نوع من التعليق باللعبه اللي كل شوي

يطلعني برى



طيـب اللحيـن نعـطيكم طريقـه التسجيـل في العـالم الثـاني .. وبالصـور لعيـونكم


أولاً هذا رابط الموقـع :


secondlife.com


حمل برنـآمج اللعبه


http://download-secondlife-com.s3.amazonaws.com/Second_Life_1-19-1-4_Setup.exe

وآلـلي يبي يسوي حســآب من هنــآ


http://goo.gl/Yh0Ti

آصلآ لآزم تسوي حسسـآب عشـآن تقدر تلعب

الموضوع الأصلي: لعبة العالم الثاني || الكاتب: انسان بلا هدف || المصدر: منتديات بانى ستار

https://forum.b7st.com/

كلمات البحث

افلام,افلام عربى,افلام اجنبى,افلام هندى,افلام هندية,افلام كرتون,افلام عربية,افلام مصرية,افلام جديدة,اغاني,العاب,اغاني mp3,اغاني عربية,اغاني شعبيه,اغاني اجنبية,اغاني طرب,اغاني تامر حسني,عمرو دياب , فيديو,فيديو كليب,فيديو كليبات,فيديو رقص,فيديو بنات,مقاطع فيديو,مقاطع فيديو بنات,مقاطع مضحكة,مقاطع بلوتوث,مقاطع اغاني,تعليم لغات,قاموس,قانون,شعر,سلمى حايك,هيفاء وهبى,نانسى عجرم,نور,مهند