رباعي الحب

[memo]

السلام عليكم كيفكم انا اليوم حبيت انقلكم قصة عجبتني للامانة القصة للكاتبة:عقود الوله

رباعي الحب

كلام كثير بيدور فيه حب وعشق وغرام.. ذكرى الاحباب بعد موتهم.. الجمعه الحلوة.. سنين الدراسة اللي تفرح الكل.. اللعب بقلوب الاخرين .. الحب الصادق ..مصيرة وين يكون.. يتكلل باروع شي برباط مافيه اي حرمات..في الزواج

هالقصه فيها شخصيات عدة كل شخصيه لها مميزاتها وعيوبها.. مواقفها..فرحها بجاها .. اتمنى تعجبكم

المقدمة
الجو حار والوقت صيف ...والطلبة بالمدارس يواجهون امتحاناتهم ومشاكلهم ... وكان من بينهم ابطال قصتنا... مها ونوف كانوا بالمدرسة واليوم اخر يوم امتحانات .. ولا وحدة منهم مصدقه انها خلاص .. بترحل عن المدرسة انها كبرت وبتروح مرحله جديدة بحياتها بتروح مجتمع جديد... مجتمع الجامعه ....

نوف: مهووووي ما اتخيل خلاص ماكو مدرسة وماكو رشيدة >> مدرسة الفيزيا
مها :ههههههههه... هالرشيدة ملوعة جبدج هالكثر .. الا قولي ماكو دوبر ولا حد كل يوم والثاني ماخذ الاearring
حشى فلوسي خلصت وانا اشتري
نوف: عنبو بخبل فيج بخل ... لو مو ابوج تاجر مادري شسويتي ... اقول خلنا نروح نشوف الشله وبالمرة نسلم ونروح البيت
مها: يالله ....
----------------------------
اما في مدرسة الفيصل
كان الطلاب من فترة طالعين من امتحاناتهم ... واللي يستعرض .. واللي طلع دايركت بيروح الستي >>خبركم شباب اما بدر ونواف كانو قاعدين مع عزوز يسولفون الا وعزوز

عزيز: نوافوو بدوور خلاص بنفترق اخر سنه
بدر: صيح بعد صاير حرمة يتحجى برومانسيه وحالته حاله
نواف: عنبو دارك بدور ماتعرف تقول شي سنع .. توك مخلص امتحان ..انت بس ادعو ربك يوفقك في الامتحانات
بدر: الله يخليك بس خف علينا درينا انك شاطر..بس بدون نصايح ..صاير كنك عجوز ماكلين عشاها
نواف : شقول بس الله يهديك
عزيز: اي والله احس ان اول واحد بيبتلش بالعرس فينا هو بدور
نواف :هههههههه .. الا ونت الصاج بيلوع جبد مرته .. الله يعين اليهال اللي بيكون ابوهم
بدر: تتمنى اصصلا
وتموا الشباب على هاي النجرة ...

طبعا الطلاب كانوا ثنويه عامه وهم من قطر قاعدين ينتظرون النتايج ... على احر من الجمر

وبنفس الوقت كان الربع اللي بالكويت للحين يقدمون امتحانات .. اللي منهم ابطالنا

في مدرسة مصعب الشباب قاعدين اليوم قبل الاخير ...وعليهم لغه عربيه ..يدرسون للفترة الثانيه
سعود: فهد ..فهــــــــد
فهد: اممممم .. ها شصاير ماتجوفني اراجع
سعود: افففف .. منك انت الدراسة ذابحتك من قلب ..والله بتجيب نسبة وبتنجح لا وبتفوق بعد
فهد: اميــــــــــــــــــــــــــــــــــــــــــــن .. بس شبغيت يالملقوف
سعود: كنت بسألك عن اعراب كلمة ...ههه
فهد: صج متفيق... اقول ادرس الدروس احسن لك
وبعدها بنص ساعه دخلوا اللجان

اما في مدرسة الصبايا

المدرسة فاضية والطالبات فالجان الامتحان طويل ...ومر نص الوقت .. ريم فاللجنه من الملل.. تاكل اظافرها ا..وسارة للحين تحل .. ريم تفتر يمين يسار تنطر حد يطلع ..طلعت وحدة وعلى طول ريم وراها

ريم:ريهامووو ريهامووووو... وريل
ريهام: خير شتبين ؟؟ شصاير ؟؟ من مات؟؟
ريم: وجع ... هالكلمات كلها مرة وحدة ..مايسوا على ناديتج .. الا اقول سوار ماطلعت
ريهام: هاي وين تطلع ... لين اخر الوقت تخمر على الورقه
ريم: شب وعود في عين كل حسود... افففف منج لايصير لها شي.. قو..
ولا ساره ماسكتها
سارة: تقووول شنو؟
ريم: فديتج سوار .. شسويتي >> تقول ما شاء الله شتقول يعني
سارة: تمام والله ان شاء الله اجيب الفول مارك
ريم: اميـــــــــــــــــن

وعدا اخر يوم بسرعه كان عليهم شرعيه خلصوووو وارتاحو وقعدوا مثل الباقي ينتظرون النتايج

البارت (1)
في قطر اليوم الاحد ... وطلاب الثنوية على اعصابهم ...كل وحدة وكل واحد ميت من الخوف ... ينتظر يبي يعرف نسبته ... وبالذات ان السنه في قرار اميري ببعثه للاولى والثانيه والاول الثاني.. لبريطانيا للدراسة في افضل الجامعات وارقى التخصصات... وهالقرار يشمل جميع الدول الخليجيه مو دولة وحدة.. في قطر نوف مواصله وعلى اعصابها تنتظر الاخبار ... اما مها فكانت قاعدة بالصاله مع امها تنطر الاتصال او تنطر التلفزيون والاعلان.. والشباب كل واحد ماله بارض .. بدر ونواف قاعدين في بيت عزيز ..هو واحد من اقرب ربعهم لهم وعم ثلاثي المرح.. قايدن ينتظرون النتايج
مها بالصاله والمكان هادئ شق السكون صوت التلفون...ترررررررررن .. ترن ترن
مها : بصوتها الرقيق الوووو
الطرف الثاني : السلام عليكم .. هذا بيت خالد الراسي
مها: اي .. من معاي؟ خير؟
الطرف الثاني : نحن من وزارة التربيه والتعليم... بغينا نخبركم ان مها بنتكم طلع الثانيه على قطر وجابت 99,4
مها: أ.. ه... شن....صج...
ام مها تناديها ومها ماترد .. جات وخذت الفون منها وردت عليهم
ام مها: الو هلا ؟ من معاي
الطرف الثاني : خبرها بالسالفه مع السلامة
ام مها: بحفظ الله
مها مو مصدقه وجات بتتصل في نوف
مها وهي تبجي من الفرح: الوووو
ام نوف: هلا مهايه شفيج تصيحين لا بس خالتي بغيت ابشرج وابشر نوف اني جبت
ولا ام نوف تقطعها :99,4 صح
مها: شدراج خالتي؟
ام نوف: عيل انا ببشرج بس لاتخبرين نوف للحين ماتدري جابت 99,7 وطلعت الاولى على قطر
مها والعبرة خانقتها: ما اصدق واخيرا حلمنا بيتحقق .. خالتي لاتخبرينها انا بفاجئها احين ..جايتكم ..باي
ام نوف:في حفظ الرحمن
--------------------
اما الشباب كل واحد معطي المدرسة رقم تلفونه وهم قاعدين ولا يرن تلفون بدر
بدر بصوته المبحوح: هلا
الرجال: هلا وغلا.. معاي بدر الصالح؟
بدر: باستغراب اي نعم من معاي؟
الرجال: مبروك بدر طلعت الاول على قطر وجبت 99,3
بدر: تسلم الغالي الله يبارك فيك
ونواف وعزيزيشوفونه وهو يبتسم
هم الاثنين : شصـــــــاير
بدر: انتو فكروا
ولا تلفون نواف يرن والرنه اغنيه عافك الخاطر
نواف: السلااام
الرجال : وعليكم السلام اخ نواف مبروك
نواف : ماجاني ولد للحين
الرجال: ليش مو انت نواف اليوسف
نواف : بلا انا نواف .. والنعم هههههههههههههههه
الرجال : طلعت الثاني على قطر وجبت 98.9
نواف : هيــــــــــــــــــــــــــــــــــــــه
وبنفس الوقت بدر يحاجي امه لان ابوه متوفي وعزيز يتكلم بعد سكر نواف الفون وجاي بيخبرهم
الا عزيز: باركولي جبت 98.6 الثالث على قطر بس حسافه ماكو بعثه بس يالله ربي كاتب
نواف: انا جبت 98.9 الثاااااااااااااااااني
بدر: عيل بزيدكم انا الاول جبت
عزيز : اكيد 99 صح؟
بدر: لا غلط انا جبت 99.4 بس والله وناسه
وطلعوا الشباب من البيت
---------------------
مها دشت بيت نوف وراحت لها الغرفه وما تبتسم ونوف شوي وتصيح... حالتها حاله والبجامة والشعر الكشه

مها: اخبارج نوفتي ؟ ان شاء الله بحير
نوف: مهوي مو قاصرتج ابد .. انطر النتايج وانتي تستعبطين .. لازم واثقه انج بتجيبين اوكي وبتطلعين من الاوائل
مها: وانتي ؟
نوف : ما اظن
مها : واللي يقولج انج طلعتي الاولى؟
نوف: مول انا الاولى ..على هندي مو علي
مها راحت لها وعينها غرقانه بالدموع: نوفو حبيبتي مبروك تحقق حلمي وحلمج طلعتي الاولى على قطر وجبتي 99.7 والله وانا الثانية 99.4
نوف: غاصت في حظن امها اللي كانت وافقه عند الباب .. وهي مو مصدقه
--------------------------------------------------
فالكويت النتايج يبيلها يوم بعد والكل يحاتي ريم .. بالبيت مع ابوها ومرت ابوها .. اللي ربتها احسن تربيه قاعدين يحاتون النتايج .. وساره بالبر مع اهلها وبالها مع النتايج.. والشباب سعود وفهد قاعدين بالديرة ومأخرين السفر علشان النتايج... اليوم يمر عليهم سنه محاتاه وحرقه اعصاب مالها حد.... مر الليل كانه قرن عليهم وساره عالفجر وصلت البيت كل هل البيت نامو..لكن هي وين تنام ووالنتايج بتشرف ... فهد كان بالمطبخ يتريق ويكلم حد من الاهل يعرفه بالوزارة وقاله انه جاب 99 فهد استانس.. واتصل يسأل عن رفيج دربه سعود

فهد: بو العز اخباررررررر؟
سعود: ننتظر الاخبار
فهد: ابشرك بنتيجتي
سعود: كم ؟ خبرني اكيد فوق ال 96
فهد: وش هالثقه ؟
سعود وخط ثاني يرن عنده: فهود دقايق وبكلمك
فهد: اوكي
سعود: الووووووووو
الرجال: مرحبا سعود انا مدير الكنترول مبروك عليك المركز الثاني عالكويت 98.6
سعود: الله يبارك فيك ماقصرت الغالي بس بغيت اعرف من الاول
الرجال: والله واحد ينقال له فهد الراسخ ..مبروك مكرر.. بباي
سعود على طوووول يتصل لفهووود: مبرووووك فهود الاول ها وانا اقول ليش شاق الحلج
فهد: اول وشو ها؟
سعود: علينا مابنحسدك عيونا مو حارة
فهد: لا والله وغلاه الوالدة ما اعرف
سعود: الاول عالكويت
فهد: شدراااك ؟
سعود : سألت وخبروني وانا الثاني
فهد : هيه وناسه والله .. عجل البعثه لنا
سعود : يقولوووووون
----------------------
ريم وسارة: عرفوووو النتايج عن طريق النت بس الصدمة الكبرى كانت ان ريم هي الاولى... وجايبه 99.5 وسارة الثانية وجابت 99.2 والوناسه قايمة فهالبيوت الثمانيه يعني شي ماينوصف من الفرح.. اوائل وبعثه حلم كل طالب مجتهد ... مرت الاجازة كانها طيف عابر ... على الطلاب الثمانيه .. كانها نسيم الهوا الحلو اللي الكل يحبه.. ويذكره بعد مرورة بالخير.. مرت الاجازة وجا وقت البعثات ..للطلاب اللي ارسلتهم الدولة للندن .. في قطر قبل الرحلة الشباب طبعا مافي اي اهتمام بالوضع ولا احساس بالبعثة... ولا همهم اي شي على عكس البنات ... ذابحين روحهم راحين يشترون ملابس وخبركم .. واللي ذابحة روحها من الصياح وحالتها حاله.. هاي في قطر
-----------------------------
اما بالكويت فالشباب كانو مشتطين.... وحالتهم حاله اللي يجهز اوراقة واللي يمر الاسواق يدور لبس... واللي يقدم لليسن واللي واللي واللي... اما البنات فالعكس كان.. الذي ذابحهم الهياته والطلعه .. ولا مفكرين بالميك اب .. ولا سووا اي شي للرحله
-----------------------------
يوم السفر اليوم والناس عدو العدة للسفر في قطر... طبعا الشباب هم بدر ونواف ..والبنات مها ونوف ... الرحلة الصبح مو بوقت متأخر مها ونوف في بيت مها من اللليل باتت نوف عند مها بالبيت وطلعوا ..كان ابو مها هو اللي يوصلهم..وصلو وقعدو بالانتظار ينتظرون الطالبين يجون... قرروا انهم يروحون الديوتي فري وقعدووو يتشرون عطور وميك اب... وخذوا معاهم اشرطة اغاني عربيه... لفنان العرب ولرويشد وبوخالد..
ورجعوا لما عرفوا ان الوقت صار وقت ركوب الطيارة ... ركبوا الطيارة وكان النظام 2 \2 جنب بعض
نوف بروحها والكرسي اللي جنبها فاضي ..ومها نفس الشي قعدوا وربطوا الاحزمة.. والشيوخ الشباب كل واحد بالبيت .. ولا نواف يقحص من النوم وينتبه.. ويتصل ببدر ويطلعون للمطار ..بسرعه بسرعه وصلوا ..المطار وركبوا الطيارة على النداء الاخير .. وكل واحد يجر شنطته وحالته حاله .. جايين بجينز وقمصان .. وخبرهم المضيف عن اماكنهم وجي ..راحو بسرعه ولما وصلوا .... انصــــدموا .. نواف شاف جدامة حورية بشريه ملكة جمال كانت عيونها وساع وخشمها مدبب وحلو وخدودها حمرة وشفايفها مزمومة .. كانت هاي مها اما اللي انصدم من شوفتها بدر هي بنت بنت عمه اللي هي نوف... كانت وردة في بستان عايلتها ... عيونها حادة وخشمها سليل وطويل وحلجها مرسوم رسم وكانت حنطيه ... بدر ماعلق ووقف يطالع اللي يصير بعجب..

نواف: بدور ها شصاير القلب دق؟؟
بدور: شدخل ... لا بس افكر كيف بنقعد جنب البنات ؟ شراليك نخليهم يقعدون جنب بعض ؟
نواف : اي والله ... تعرف تفكر بدور ؟
بدر: اختي ممكن تقعدين جنب البنت هناك.. وانا وصاحبي نجلس جنب بعض؟
مها: اوكي ... يكون احسن..
نواف: بللل ... شطة انتي .. فلفل انتي .. نار انتي
مها: جب اقولك ..ماتعرف انت من تكلم؟؟
نواف : من مثلا الدوقه ...ههههههههههاي .. بنت لا راحت ولا جات مسافرة بدون اهلها
مها: لا والله بس متفوقه الدولة اللي بعثتها تدرس برع.. وهاي هم معاي وهي تأشر على نوف

.. اللي ماتدري بالدنيا تفكر في وجود بدر... وبعدين بنعرف ليش بدر بالذات ؟؟؟
نواف: ههههههاي هم انا متفوق مو بس انتي ... ههه مصدقه روحج
نوف: عن النجره بس عاد... الناس يريحون وانتو تتحجون
بدروهو يتأمل نوف: اي صح كلامها
وبدأت الطيارة ترتفع فالجو تصارع الغيوم والهوا ... بكل ثبات وهدوء ..الكل هاددي على سطحا غير شله الدراسه اللي نجرتهم تذبح الةاحد من القهر ... والضحك بنفس الوقت وخاصه مها ونواف
---------------------------------------------
اما بالكويت فالشباب من الصبح في المطار امورهم... اما البنات فحالهم مثل حال شباب قطر ولا شي هاهم .. ومايدرون بالدنيا و طلعوا بسرعه شلة اللي تذكرونه من اغراض واللي نسوه خلاص ... راحو على طول الطيارة لان المسافرين عليها ... لكن هني المظيفه معصبه ومادلتهم على اماكنهم ولا شي ... راحو يمشون بين الكورنرات ولا شابين مثل العسل يوقفون البنتين ..بقصد المساعدة واحد منهم .. كان اسمراني وطويل عريض وحنطي وعيونه لوزية وخشمه سليل وشعره لين اذنه واسود يداعبه الهوا بالطياره... وكان هاي سعود وسارة فاجه حلجها من جماله .. انا الثاني فكان ابيض وطوله حلو وضعيف شوي وخشمه طويل وشعره فاتح وعيونه بنيه ..هاي فهد

قال لهم: تبغون اي مساعدة ...حنا حاظرين لكم؟
سارة: ها...؟؟؟
ريم: اي لوسمحت يالملقوف... وين اماكن طلاب البعثات؟
فهد: هناك قدام...تعالو بدليكم لانكم معانا
سارة وريم:هـــــــــــا معاكم؟
فهد: اي وياي انا فهد ... وهذا سعود حياكم
قعدوا البنات وركزوا باماكنهم ... وسارة صايرة طماطه من الاحراج .. كانها رسمة كرتونيه وريم تنبش بالشنطة ةلا مرة وحدة..اووبيه والله بصيح..التفت سعود ولمعه تلمع بعينه يبي يضحك... يسمع ريم وهي تتكلم

ريم : نسيته .. مادري شلون نسيته والله اني هبله
ساة : ريوم لاتخرعيني شنوو؟
ريم : موبايلي ..بعد شنوووو افففففففففففف
سعود بكل براءة: تقدم منها ومد يده :تفضلي خليه وياج وترى فيه كرت
ريم والشرار في عيونها: حد قالك اني اطر؟
سعود: لا بس واجب اساعدج لانج بالغربه بروحج
ريم حجيه عجبها بس هيهات تسامحه: وبعدين يعني؟
سعود: خليه معاج واول ماتاخذين تلفون رديه واعتبريه دين وبس
ريم باحراج كبير : شكرا وماقصرت يا سعوووود

وعلى هالموقف هدت الطيارة سارة نامت ... وريم قاعدة تكتب خواطرها كالعادة مو شي جديد ..لين ماوصلت الطيارة وقبلها بوقت قصير طيارة قطر وصلت... ونزل البطل بدر من الطيارةوهو مو داري باللي حوله يفكر في وجود نوف معاهم ... كيف انه مايدري ... وكيف الاقدار تجمع الناس ...بعد سنين طوال ... اما بالنبة لطيارى الكويت وصلت ونزلت ريم وهي صايره كتله من الاحراج من فعل سعود معاهم .. ولا كمل انه شال اغراضهم وسوا كل شي .... صج صج رجال شهم ..بسبب رغبه المسؤوولين في جمع الطلاب مع بعضهم البعض والخروج مرة وحدة لان عدد الطلاب هو 24 طالب وطالبه...

هني صار اللقاء الاول الكل تلاقى والعيون تلاقت ... وبدت عيون تتحدى الثانيه .. وعيون مسالمة وماقالت شي ...وناس من البدايه بان الشر بعيونهم وظهرت عصبيتهم في اللقاء الاول ... فيا ترى كيف كان اللقاء الاول....

وشنو هي قرارات اللجنه المنظمة للبعثات ؟؟ وشو راي الطلاب في هاي القرارات؟؟؟؟
وش راح يصير بين ابطال قصتنا ؟ وكيف راح يتجمعون؟

انتظــــــــروا

البــــــــارت ((2))

[memo]

حياكــــم البــــــــارت((2))


اللقاء الاول .. بداية حياة هالجماعة اللي بيعيشون عالحلوة والمرة مع بعضهم .. ركبوا الطلاب الباص وقعدوا.. طبعا العيون تفتر يمين يسار...ريم وسارة يطالعون بدر ونواف وميتين من الضحك عليهم ونواف ومها للحين مناجر... هذولا الثنين نكته من اروع النكت ...وبدر يطالع نوف ويفكر بس ياترى وش في باله؟ سعود وفهد ساكتين ومايتكلمون وقف المسؤول عن البعثات ... كان بريطاني من اصل لبناني ويكلمهم بعربيه مكسره ...وقف

المسؤوول: طلاب سمعوني .. بليز تسمعوني انا عم بحكي ؟
نواف : عم ولا خال؟
ريم وساره: هالقطري مصرقع من قلب .. الله يهديه بس
نواف: خير اختي ... ترا رزة الفيس بلوة ... الله يعينج عليها .. ترى في مستشفيات يمدحونها
سعود: هدوا هدوا... وهو لايعه جبده من نواف لانه وايد مربوش ...زود عن اللزوم
المسؤول: خلص حكيكم...بدي احكي ...وأول اللي عندي
نوف اللي صوتها باللياله طلع: تفضل استاز
المسؤول: ولك يؤبرني هالادب... شوفوا هيك البنات مو متلك انتي..ويأشر على ريم

اللي من الحمق صارت صفاره انذار... وبدر ميت من الضحك عليها ... ويقول بقلبه تستاهلين يالملسونه ...هههههههههههه ....ريم تطالعه وهي تقول بخاطرها ان ماوريتك انت... ريم وهي تتكلم كانت معجبه بشكله... كان لونه برونزي وعيونه نعسانه وخشمه طويل وهو جسمة رياضي وطوله خطير وبالقميص والبنطلون يقط الطير من السما... بس ريم من اطباعها انها دوم تتحدى وعمرها ما اهتمت للناس ..يعني مو من النوع اللي يفضل الغير عليها


المسؤول: هينا وصلنا للسكن ... خليكو كلكن باللوبي راح اخبركن كيف التوزيع ...للطلبه راح يكون
الطلاب : اوكـــــــــــي

نزلوا الطلاب من الباص وشلوا اغراضهم ومها شلت الاب توب مالها ... وهي تتحرطم من الملل اللي بها ليش ان هالملسون مايسكت وجبدها لايعه من المسؤول مع حجيه

مها: نوفو يؤبرني هالادب .. وهي تقلد حركات يده
نوف: ماتيورزين عن سوالفج انتي ...هههههههههههههه .. صج هبله لين قالوا هبله ما اصدق
وهم يتحجون يحسون ان في عيون تراقبهم مها التفت وجات عينها بعين ريم اللي منقهره من مها وباطة جبدها ... مها ولا في بالها شي من الكلام ابد ... دخلو السكن وقعدوا تحت فاللوبي حضرة الاخت سارة متملله وتبي تصعد
سارة: بس عاد متى بيجي هاي الفاضي ...((تقصد المسؤول))
ولا المسؤول البريطاني داش عليهم
المسؤول: يؤبرني هالوجه الحلو وهو يطالع نوف ...ويقول: ايم سوري بس صيفت رحت جيب الاوراق ..من شان اخبركن عن التوزيع ... ابل كل شي ... شوفو في قوانين ..لازم تنفذوها وما تخلو باي واحد منها..... نواف فج حلجة
نواف: قوانيننن بعد ...مب حاله هاي بعد ... هات اللي عندك .. اطلق مافي جعبتك
الشباب : ميتين من الضحك على نواف واسلوبه صج انه ((رقله))

احنا نقول نواف ونواف خلنا نتكلم شوي عنه هو اصغر بين اخوانه... انولد وهو مايعرف امه وماشافها واللي عرقه انها فارقت الدنيا بعد ولادته بشهرين ... من عيله ميسورة الحال... اجمل شباب بيتهم واشطرهم .. عيونه سود ووساع وله النظره اللي تذبح من قوتها وخشمه طويل وشعرة طويل لين كتفه وهو سباح ماهر كان بمنتخب السباحة لذا فجسمه خطير من قلب ولا لونه من البحر برونزي يعني ولاملك جمال

المسؤول : لازم تنفذوا مطالب الاساتزة والدكاترة بالجامعه وماتردوهن ابد
الطلاب : ان شاء الله اساتز
المسؤول : هايدا هو التقسيم ... بكل طابق في 8 طلاب 4 شباب و4 صبايا

الطلاب مستغربين من الوضع وكل واحد عيونه صارت شككبر من الاستغراب ومو مصدقين الوضع ...قال الطابق الاول والثاني وجا دور الطابق الثالث

المسؤول: شوفو هيدا لطلاب الطابق ال4 الشباب هن بدر ونواف من قطر ومعاهم سعود وفهد ..... والصبايا هن سارة وريم من الكويت ومها ونوف من قطر
الطلاب الثمانيه : كل واحد منهم يطالع الثاني

نواف ماطوف الموقف جي لازم حركة من حركاته الهبله: مرحبا بكم في ارض الخليج ..ههههه .. مرحبا بكم شباب يارب تستانسون ... وتقضون معنا اوقات سعيدة ومفيدة
فهد: شدعوة سبيس تون .... ولا فان جنل
الشباب الباقين :ههههههههههههههههههههههههههههههههههههه
نواف : both of the.... المهم انا نواف بن علي اليوسف وهذا بدر بن خالد الصالح .... وانتو ..اكيد هولاكو وجنكيز خان
فهد:هههههههههههههه... صج انك شاقول ... انا فهد بن ابراهيم الراسخ
سعود: وانا سعود بن عبدالعزيز
بدر ونواف : تشرفنا بمعرفتكم
فهد وسعود: هم احنا شكلنا بنقضي وقت حلو مع بعض
--------------------------------------------------
اما البنات فكان الجو العكس بينهم وكله شحنات كهربائيه وعصبيه ... ومافيه اي تلطيف بالجو ابد ..واللي مزيد الجو عصبيه ومشاكل هو ريم

ريم لسارة: سارونه يالله نروح الغرف ... وع حطونا مع هالمقرودتين
سارة:عيب عليج ...تراهم سمعوا وش قلتي ...ومهما كان هالثنين شركائنا بالغرفه
ريم: ان مالوعت جبدهم ماكون ريووم
مها لنوف : نوافي سمعي خلينا نركب ونروح نشوف المكان
نوف : اوكي من عيوني ((لمها)) وقالت لسارة سارة حنا بنصعد تجون معانا
سارة بابتسامه حلوة تذوب الصخر: يالله توكلنا على الله

سارة تكلمنا شوي عنها بالبدايه بس احين بقول مواصفاتها كانت قصيرة وبيضه وايد وخدودها ورديه ..عيونها عسليه وسيعه وشعرها قصير وحلو .. خشمها صغير ودقيق يعني كانت مثل الدمى اللي بمحلات الالعاب ....صعدوا البنات والشباب اتبعوهم وصلوا للطابق ... كان مقسم قسمين قسم وردي وقسم ازرق ..
وبالنص بين هالقسمين صاله صغيرة ومطبخ تحضيري وطاوله طعام ل10 اشخاص المكان كان مرتب... وخطير من قلب عجب الكل والشباب راحو قسمهم والبنات راحوا قسمهم ...
نوف ومها بغرفه ...وسارة وريم بغرفه .. اما الشباب كل يوم شي طبعا قسم البنات كان محتاج لمسات ... والبنات ماقصروا راحو وتشروا اللي يحتاجونه من اكسسوريز واعراض ... لا وهم عدلوا قسم الشباب .. وذوق ريم كان شي من قلب تعرف تصمم وتعدل.. اي صج حنا وصفنا الكل الا ريم ريم كانت بيضه وحلوة وعيونها وساع عيل وحواجبها مرسومة رسم وخشمها مدبب شوي وحلجها صغير بس مليان ... اما شعرها فكان لين ظهرها مقطع تقطيعه رهيبه وهو ملتوي ... وبما ان الشباب والصبايا عاشوا مع بعض فكانوا يلتقون ... بس كان لقائهم باحترام وبحدود ... يتساعدون البنات كانوا ينظفون ويرتبون الغرف والشباب كانو يعفسون ... خوش معادله ههههههههه.... يعني كان كالبيت الواحد الشباب تأقلموا بسرعه وذلك يرجع لطبيعتهم الحلوة وبزود عبط نواف اللي مخلي الجو مثل السكر .. الله يديمة جذي ومايغير عليه ...اما البنات كانوا مو كثر الشباب بس يحالون يقربون قدر المستطاع بس ريم هي المشكله ... باسلوبها الجارح وتعليقاتها اللي تعصب الواحد .... بس الكل كان ملاحظ شي غريب .. بين شخصين بالسكن ونظارتهم الغريبه .. اللي كان فيها تحدي وجرأة شوق حزن ولا فرح مو قادرين يعرفون ... اقصد انا هني نوف وبدر.... من البدايه اقول نوف وبدر نوف بدر .. اكيد تبون تعرفون اوكي بنبدى السالفه ...

قبل 3 سنوات بالضبط وفي عايله الصالح ((عايله بدر واهل نوف)) اجتمعوا باحدى جلساتهم العائليه...اللي كانت بسيلين عند البحر والطعوس والوناسه ...هني كان اللقاء الاول اللي جمع بدر بنوف ...هني بدر انبهر بجمال بنت بنت عمه... كانت كالحور العين قاعدة على شاطئ البحر وهي لابسه برمودا جينز وبدي وردي حلو... ومخليه شعرها يروح مع نسمة الهوا وحاطة بندانا على راسها وقف مبهت يطالعها وهي ماكانت تدري .... جا وقعد بجنبها وهني كان لقائهم الاول .... بدر حس انه يحب نوف ونوف بعد... تقربوا من بعض وصار بدر وايد مع اخو نوف جاسم علشان يقدر يمر بيتهم دوم ويشوف القلب ... بس مثل مانقول كان طيش مراهقه انتهى بسهوله وبدون اي اهتمام من الطرفين .....

ولما شاف بدر نوف تذكر كل اللي صار امبيناتهم ... الشباب خلاص بدوا يستعدون للدوام فالجامعه باجر اول يوم يداومونه ... وحنا قلنا البنات يحاولون يتأقلمون مع بعض وشوفو شصار.... الوقت بنص الليل ونوف قاعدة بالصاله وريم بعد ريم .. عافسه الصاله والدنيا فوق حدر.. ونوف ماتحب العفسه ...سكتت لانها تدري بلسان ريم الطويل ... دشت الغرفه وراحت تجيب لها الثياب وتبي تكويها لباجر وريم قامت تناحسها ومسكوت الاوتي هني نوف عصبت لانها تدري ان ريم تبيها تعصب صرخت ريم صرخة..وعت كل اللي بالطابق البنات ركضوا حاولوا ايفكون مبيناتهم لكنهم ماقدروا ......
طلعوا الشباب وهم مخترعين وعلبالهم حد ميت ولا شي جايد صاير ... يوم طلعو شافو ريم ميودة نوف وتهزها .. وتهددها .. هني الشباب ماتو من الضحك وحاولو يهدون الوضع وفججوا من بينهم ... وكل وحدة تتوعد الثانيه ... دشوا البنات غرفهم وراحوا يريحون مابقى من وقت علشان الجامعه ....

على الفجر .... راحت مها تقوم البنات علشان يصلون ويبدون يستعدون للدوام ...واتصلت مها بغرفه الشباب ... رد فهد عليها
مها: صباح الخير
فهد: صباح الورد وصوته كله رقاد
مها: نواف اصحى ... ترى الفجر احين ... واخاف الشمس تطلع وللحين ماصليت... قوم الشباب
فهد: اانا مو نوافو الاهبل ... انا فهد ... انتي مها مو؟
مها باحراج: سوري فهد ماعرفتك ... اي انا مها .. وبسك سوالف قوم صل وقوم الشباب وتزهبوا للدوام
فهد بمرح: ان شاء الله ماما ... اي اوامر ثانيه ؟
مها باستعباط: فرش اسنانك زين وافتح السخانه الماي بارد << الحجي من قلبها
فهد : ان شاء الله .. هالله هالله بالريوق السنع .. باي
مها: في حفظ الرحمن بباي
قام كل اللي بالسكن ... وصلوا البنات جماعه واللي صلت فيهم هي سارة.... صوتها كان حلو لما تقرى قران ... اما الشباب فاللي صلى فيهم هو سعود وخلصوا صلاتهم .... اللي دش يسبح واللي قعد بالصالة... لان قسم الشباب فيه حمامين الله يعزكم والبنات المثل ... بدر وفهد دشوا يسبحون .. نواف بالصالة يفر فر بالتي في ... والشيخ سعود قاعد بالمطبخ ... اما البنات فريم ومها دشو يسبحون ... وسارة ترتب الصاله .. ولا نواف يوقفها ... كالعادة بدى يستعبط.. وسارة تطالعه وميته عليه من الضحك

نواف: هاي ...شحالج... شعلومج .. شلونج .. شخبار الاهل والفريج؟
سارة وهي حابسه ضحكتها : هايين .. تمام ... اعلوم الخير ... لوني مثل مانت شايف ورديه ((كانت لابسه بنطلون وجاكيت رياضي )) ... اما الاهل مادري عنهم... والفريج ها انت قاعد فيه
نواف: بل عليج كل هالاجوبه مرة وحدة .. مب مخ تفكرين فيه
ساره بنظره طفوليه : قول ما شاء الله
نواف بلهجة يقلد فيها الحريم : خمسه وخميسه .. تف تف تف .. اللهم لا حسد

نوف خربت الجو الحلو اللي كان بيناتهم مرت ولاحد حاس فيها ... مرة وحدة ... هايوووووووووووووووو ... نوفه الحلوة وصلت رحبوا فيها
نواف : وجع والله لو مو اسمج على اسمي جان كفختج ... قالت حلوة قال... روحي زين
نوف بغرور: بروح المطبخ اسوي شي ينأكل ... قبل روحة الجامعه
نواف+سارة: روووحي .. رروحة بلا ردة

نواف وسارة .. استغربوا من بعضهم بس كل واحد منهم تم يناظر الثاني بنظرات كلها حنيه .. نوف دخلت المطبخ وانصدمت لما شافت سعود... عاد سعود طبيعته انه هادي حيل ..
نوف بكل براءة وخدود كرتونيه: س.. سوري ..ما كنت ادري ان في احد بالمطبخ..
سعود بدون اهتمام وهو يحط الاكل بالمايكرويف: لا عادي .. ليش المطبخ باسمي؟
نوف انقهرت منه وتمت تقول بقلبها زين مني تأسفت لك يالطمبحله مع ويهك اوريك: لا ماقلت بس ينمكن ضيقت عليك.. عالعموم وش قاعد تسوي؟
سعود: احط الاكل بالمايكرويف .. ماتشوفين يعني؟
نوف والدمع غرق عيونها: سوري عل سؤالي.. طلعت من المطبخ وهي تصيح وتمت بالغرفه

دخلت عليها مها وسألتها وماردت..نوف طبعها انها كتومة ... نزل الكل على الريوق الا نوف لانها زعلانه... ومتضايقه من قلب

على الريوق الكل قاعد البنات بجنب والشباب بجنب.. الكل تسائل وين نوف اللي ما اهتم ابد هو سعود.. والكل لاحظ عدم اهتمامه ولا كان شي صاير ... سارة بدت تتكلم
سارة: نوفو كانت مسانسه من راحت المطبخ مادري شجاسها؟
ريم: خلها زين تتدلع .. يمكن شايفه صرصور ولا شي يخرع
نواف باسلوب يحرق الاعصاب: لا وانتي الصاجة شايفتج فالحلم ... فمن جي تخرعت
ريم : انت اسكت ... محد تكلم وياك .. يالاهبل
مها: من كان بالمطبخ .. وشاف نوفي.

سعود يطالعهم ولا شي هامه من كلامهم شل نفسه ودخل ولبس ثيابه ... طلع له بنطلون خيشي بني وقميص بني محروق ولبس ساعته وتعطر وطلع برع ...لما طلع دخلو الشباب يلبسون ويتعدلون ... اما بدر فشاقول عن بدر كان خطير من قلب ... لابس بنطلون جينز محروق .. وتيشيرت ارماني نفس اللون وخلي شعره هبوب والعطر اممم يالريحه خطير من قلب ..نواف كان لابس بنطلون اسود وتي شيرت قيس رمادي وكاب ولبس النظارات وتعطر وطلع ... اما فهد فلبس بنطالون جينز وقميص ومن فوقهم سويتر كان شكله وايد مرتب وتعطر ولبس النظارة وطلع
------------------------------
اما البنات فريم لبست بنطلون سماوي وفيه بني مع قميص طويل مخطط بهي الالوان ورفعت شعرها ونزلت خصل على جبينها ... وخطت الكحل داخل عيونها وحطت القلوس ولبست نظارتها >> طبيه وقعدت بالصاله ... اما سارة فلبست تنورة لين ركبتها مارونيه مع بوت بيج وبدي بيج وحطت سكارف مزخرف على رقبتها وشعرها رفعته كله وحطت الاي شدو البيج والمسكرا والقلوس الحلو ...وحطت بروش على شكل وردة كان هديه من جسوم >> اخوها ... اما نوف فكانت احلاهن لبست لونها المفضل لبست تنوة ورديه واسعه مع بلوزة كليف كلاين ورديه وحطت شال اسود فيه ورود ورديه وحطت وردة على جانب من جوانب شعرها ورسمت عيونها وحطت اي شدو وردي حلو كان مخليها وايد طبيعه وقوس وردي شنطتها سودة فيها بروش وردي وصندلها هم نفس الشي .. بقت الشيخه مها اللي متعودة على التأخير كانت لابسه فستان اسود معاه توب جينز خطير وكان من ماركة قيس وخلت شعرها ذيل فرس ما حطت شي بوجهها بس واقي وطلعت لهم ....

الشباب قالوا للبنات يالله ننزل لايزفنا جوي >>المسؤول ونزلوا كلهم دفعه وحدة .. سعود حس بالذنب تجاه نوف لانها كانت لمحة الخزن مرسومة علة وجهها وقال في قلبه باقرب وقت ... وتجمعوا باللوبي وجاهم جوي

جوي: هاي كيفكن ان شاء الله منيحين ؟؟
نواف يقلده: منيحين نشكر الله
جوي: هاي نوف كيفك ان شاءالله مرتاحة... شكلك بعئد ... متل الوردة المتفتحة

جوي وايد كان يطري جمال نوف... وبدر يطالع بنظرات لانه يغازل بنت بنت عمه ... ونوف تشب من الاحراج وايد خجولة... سعود كان يطالع نوف ويقول بقلبه ... انا شلون جرحت هالجمال كله بكلماتي .. ومرة وحدة استغفر الله شلون يتكلم عنها جي ... مشوا وركبو الباص و10 دقايق ووصلوا الجامعه ....
مها اشهقت : وااااااااااو جامعه جي ما اصدق بصراحة خبال
نواف لازم يدش عرض : عنبو دارج نطري شوي فشلتينا ... اول مرة تشوفين شي حلو؟؟
ريم: استاذ نواف انت مايدخلك... وبسك تدخل .. ويالله جوي تقدم وانتو هني تتناجرون ؟؟
دخلو الشبااب والصبايا الجامعه ... كانت وايد حلوة من داخل منظمة وخطيرة .. دخلهم جوي الكلاس وقالهم على حسب التخصص بتتوزعون ...

سارة بهدوء: اكيد مو الكل مع بعض
ريم : انا وانتي بالطب ... هههه . اما نشرح حيوانات .. انا ناويه اشرح هاي الملسون
وتأشر على نواف اللي انتبه لها وقال لها
نواف: للعلم بس انا معاج بالطب وهم بدر ... واحنا اللي بنشرحج مو انتي فهمتي
نوف تطالعهم وتبي تتكلم مها فهمتها وقال: هم احنا معاكم .. مو انتو بس
سعود: شنو من انتو ؟؟؟ ليكون بس هاي معانا ... ويأشر على نوف
نوف تطالعه بنظرات كلها تحدي: اي معاهم ... مو عاجبك مولازم... وانت باي تخصص
فهد: هدوا ياجماعه كلنا بالطب ... خلاص ماله داعي النجره ... سعود بس عاد
سعود وقلبه معوره على اسلوبه مع نوف بس لازم يكون جامد: اوكي الشيخ
جوي: شباب وصبايا خلص انا راح روح وهيكن مع الدكتور هو حيخبركن باللازم
الكل: bye joy we will miss u
جوي وهو يبتسم : me 2 bye

قعدوا ودش الدكتور : hello
الطلاب: hello … doctor
الدكتور: now I will told u how I want u to be …1 boy with 1 girl together
الطلاب بعجب وكلهم مرة وحدة: what????? Are u joking?
الدكتور : no of course… u will be like this… Sara and noafe … badar and reem …. Maha and fahad .. the last group …s3ood and nofe
سعود: وععععععع مايصير جي بصراحة لازم حنا نختار.... وليش انا معاها
نواف : ولللل شها التوزيع مايصير عاد... لازم الشباب ويا بعض والصبايا ويا بعض
سامي طالب من السعودية : كذا هي الحالة لازم هو يوزع .... وحالكم افضل من حالتي مع هاذي
ويأشر عليها كانت معاه وحدة من الفلبين اسمها لين ... وهو مشوط .... بدر يضحك عليه ..
الدكتور : be quite please

الطلاب سكتوا وقعدوا مثل ماطلب منهم الاستاذ انهم يقعدون ... الصمت خيم المكان.. والنظرات كانت سيدة الموقف ... كان اليوم صعب عالجميع ومر ببطأ شديد محد قدر يستعمله صارت الساعه 3 بتوقيت لندن وجا وقت الرجعه وقرروا انهم يرجعون مشي القروب كامل .... وفي الدرب بدر اقترح عليهم اقتراح .. الكل رحب فيه الا وهو انهم يتغدون برع ... لانهم من جوا ما اجتمعوا على وجبه برع البيت ... راحو ودخلوا المطعم.... طبعا دوروا لهم طاولة تناسب عددهم .. قعدوا والويتر جاب لهم المنيو وقعدوا يشوفون الاكل ....

بدر قال: اليوم الغدى علي والمرة الجايه عليكم....
ردت نوف عليه : لا بدر مايصير لازم حنا نتحاطط وندفع معاك ... مو حلوة بحقنا
بدر وهو يصاصرها : لو مو بنت بنت عمي جان قلنا .. وبعدين لاتخليني اخبرهم
نوف ويها تغير : خلاص اوكي اللي تشوووفه
ريم: بدر لو سمحت ممكن نطلب انا جوعااانه .. حيل وومكن اكل الجميع
فهد: انتي كله مشتطة ... صبري خلي الباقي يختار
الباقي: خلاص اوكي .. خلو الويتر يجي ...
جاهم الويتر :وهو يأشر على سارهthe beautiful girl what u want ….
نواف بعصبيه شديدة اول مرة يكون عليها : see live my girl friend alone
الويتر : I’m sorry sir
نواف : this is the last time for u
نوف : نواف بلا مناجر .. تكلم الويتر ...Can I order one chicken pasta?
ورد سعود : me 2
مها : give me chicken burger
فهد : I want salad
نواف: give me shrimp with green salad
ريم : I want chicken nuggets meal
بدر: me chicken fingers
ونواف يكلم سارة بكل حنيه : ساره .. ليش ماطلبتي مو يوعانه
سارة والدموع ماليع عيونها وخدوتها شابين عليها من كلام نواف ونبرته الاسره : ها... اي .. بلا يوعانه .. بس ما اعرف وش اكل
نواف : خلاص باخذ لج على ذوقي..... وطلب لها مثله

الشله كلوا وشكروا بدر على العزيمة الروووعه ورجعوا البيت وهم حيل مستانسين منن هاليوم ... اليوم مر بدون ماتسوي ريم اي مشكله ... غريبه مو ...... الكل مرتاح وبدوا يتأقلمون مع بعض مع وجود الحساسيه بين نوف وسعود .... واحراج سارة وتفكيرها في كلام نواف عنها يوم بالمطعم ... بس بصراحة اونس ثنين كانوا مها وفهد .. مالهم خص بحد ولا يناجرون ومالهم اي حس .... مر اسبوعهم الاول بالجامعه وتعبها ... وحبوا الدراسه فيها وحبوا ايامهم اللي تمر السبوع الاول كان متعب بس اغلب الوقت نظري .... وهم الحين بالويك اند يفكرون كيف بيكون يومهم الاول بالمختبر وش راح يصير فيه وزود لانهم راح يشوفوون ويشرحون ....

ياترى كيف مر الويد اند .... وشنو هي استعداداتهم للمختبر ... وش راح يصير بين ريم وبدر ... وفي مشاكل بها الوقت ولا ... ؟؟؟

للاجابه على هاي الاسالة انتظروا البارت الجاري

البارت ((3))

[memo]

البـــــــــــارت (3)

الويك اند اقبل والبسمة ع الشفاه ارتسمت والفرحه موجودة .... والضحكة صدها تردد في ربوع لندن الحلوة ... فرحة كبيرة باول اسبوع دراسي عند الشباب والبنات ... ماصدقوا مرورة بكل سرعه وكل حب بدى يشعشع بين الاطراف ... بدا القروب يقرب لبعض .. وريم تتخلى عن القليل من الكبرياء والغرور وتصير ولا احلى مع الجميع ... سعود امممممممممممم شقول عن سعود بدى اعجابه بنوف يكبر ... وتعامله معاها يتغير ... صار يعزها ويعاملها باحترام كبير .... ماعاد يتقصد زعلها بالعكس صارو احلى ثنائي ....والكل لاحظ هالشي امبيناتهم والكل فرح له ... فكروا كيف يقضون هالويكند وفضلوا انهم مايطلعون فيه ويقضونه مع بعضهم البعض .... وبما انهم فالسكن مع بعض صار تعارف للشباب مع الشباب من انحاء الخليج كله وهم الصبايا .... مر الويكند بسرعه الطيف العابر ...

وبدت الشمس تلقي اشعتها الذهبيه على البساط الاخضر .... ومن خلال تمازج الاضواء طلعت الطبيعه بابها صورها .. الشمس المشرقه تعلن قدوووم يوم جديد وشغل جديد ومواقف جديدة.. فالطابق الثالث الجو كان حلو.. اللي يبدل واللي يعد الطعام يعني هم اتفقوا ان كل شي يتقسم حسب الايام لا ومسوينه في جدول ... من الصبح توجه سعود المخبز الللي جنبهم واشترى لهم الخبز الطازج ... وراعي الحليب وصل الحليب السكن ... نوف كانت تسخن الحليب بالمطبخ وهي مشغله شريط نانسي وهي تتحرك يمين ويسار على اغنيه ((ياسلام ياسلام .. اد ايه حلو الغرررررام .. انا شفتك البي سلم ما قدرتش غير اسلم .. ضميت البك بحظني وعينك الت لي حذي ... مليان منك غرررام)) وهي تغي ما انتبهت لصوت الباب اللي انفتح لحظتها .... وصل سعود وحط الخبز والاكياس على طاولة الطعام ووقف يطالع .. هالكلاك الحلو الرقيق شلون كان ... كانت لابسه بنطلون ابيض فيه وردي وقميق وردي طويل .... وشعرها كان مفتوح وبه شريطة ورديه ... شكلها كان يرد الروح لكل روح .. كانها وردة في احلى البساتين ...سعود سرح فيها .. وانتبه الحاله وقعد يقول فيه نفسه.. كل هالتأثير يصدر منها ... الله يصبرك ياقلبي

دخل عليها المطبخ وهي مو بالدنيا ... تحمحم ... من الخرعه نوف تزحلقت وبغت تطيح لكن يد الفارس المغوار.. كانت اقرب انها تسندها .. اول مرة سعود يحس نفسه قريب منها جي ... من الخرعه نوم احظنته .. ماتحركت .. بعدها حست بالكهربه تسري في عروقها وابتعدت عنه ..
نوف والحيا صابغها : س ... سوري ... سعود .. ما كنت اقصد ..بس
قاطعها سعود وقال بسوته المبحوح الاسر : لا عادي انا السبب فاللي صار ... انسي كل شي ...
نوف ماتكلمت بولا كلمة وهزة راسها مثل الظفله المطيعه
قرب منها سعود وهمس في اذنها : لا ترقصين مرة ثانيه ترى القلوب ماتستحمل .. وهالله هالله بالفطور ... دامه من ايديج اكيد عسل

وتركها وراح خلها مثل المجنونه فيه ... سارة في نفسها ... ماحلاك ومحلا كلامك ... ياريتي ضعت بين احضانك ومارجعت ... انتبهت سارة لكلامها ... هي انا شقاعدة اقول ... هذا اكبر خطر .. هذا سعود اللي كلامه يجرح بلد .... بس جزئها الثاني يقول شوفي شلون حماج من الطيحه ... كانت نوف في داخلها بصراع ما وقف الا على هوشه قامت بين ريم وبدر ... تخرعت على صراخهم وطلعت من المطبخ تطالع شنو صاير..

بدر: هي انتي من علبالج تكونين ... والله انج ابيخ بنت على وجهه الكرة الارضيه .. والوحيدة اللي ماعندها اسلوب ... وماتعرف تتفاهم مع اللي حواليها
ريم والكلام صدمها: انا ... انا ... وهدت المكان ركض لغرفتها طاحت على السرير وهي تحضن برواز بيدها وتبجي ... هالبرواز فيه صورتهم الجماعيه اللي خذوها اول ماوصلوا وللسكن وهي تذكر الحوار اللي دار بينها وبين بدر يومها....

بدر: تعالي وقفي هني ... والله انا مو بعبع ما اكل البشر
ريم وخدودها احمررن من الخجل: ان شاء الله

كانت ريم واقف جنب بدر .. اللي كان يطالعها بكل حب ... دموعها تتساقط على الرواز وكأنها تنظف الغبار اللي عليه ... بدر حس بالضيقه من اللي صار ... بس قال تستاهل .. اكيد تتسائلون عن السبب.. السبب هو ان بدر طلب من ريم انها تكوي له قميصه وريم بطبعها تحب الغشمرة ... قعدت تستعبط وتقوله انا ما اشتغل عندك... بدر خذ الامر جد وماتوقعه انه مجرد مزح وضحك ... عصب وصارخ عليها.. الشباب برع يهدون بدر ... اللي ماتريق ودخل بدل ثيابه لبس قميص هندي وبنطلون لين وياه ورجع شعره كلها على ورا ... وطلع قبل الكل ... اما نوف ..دخلت للغرفه عند ريم وقبل لاتدخل
طق طق طق طق
ريم : مابي حد يجيني روحو عني ... مو رايحة الجامعه اليوم
نوف : تكفين ريامي فتحي لي الباب
ريم .. وهي تمسح دموعها وترجع كبريائها بصعوبه : تفضلي
نوف: ريام الجامعه مو حلوة بدونج انتي عسلها وانتي شمسها وضلها يالله عاد بدلي
ريم الفرحة بدت تظهر على محياها الملائكي ما تكلمت بس ضمت نوف لصدرها وتركت الكلام للعيون

الكل طلع وتوجه للجامعه اللي سبقهم بدر لها .. كان بدر بالكافتيريا ... يشرب كوفي ويحش بانه ظالم للي سواه بريم .. وريم تحس انها وايد غلطت في حقه لانها كانت تستعبط وقررت انها تراضسه باقرب وقت... راحوا الشباب الكلاس .. وقعدوا بأماكنهم وكان اخر الشباب جلوسا هو بدر .. قعد بدر يطالع ريم .. وريم تطالعه .. واتركوا الكلام للعيون

بدر: سوري وربي ماكنت اقصد
ريم : لا انا اللي سوري انا اللي غلطت يوم بديت .. امزح والموضوع مابه مزاح ابد
بدر: انا غلط يوم جرحت وحدة بجمالج ... ريم كانت لابسه تنورة قصيرة مارون مع بدي وردي وبوت وردي حلو.. واحلى وردة على شعرهها وماحة ولا مكياج بس ابرزت جمال عيونها بالكحل الغامج
ريم : بس مو احلى منك ...

وهم ذايبين بالكلام قطع المدرس كلامهم : know we will go
انتبهوا اللثنين وتوهم بيقومون بس طبعا ... نواف ماطوف الموقف ابد ...
نواف : ها ياروميو الخليج .... شصاير اسرتك جوليت ؟؟
والكل : هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههه
ريم +بدر: صج قله العقل مصيبه وانت بكبرك مصيبه
التفت بدر لريم وكل منهم يضحك للثاني .... طلعوا من الكلاس وكانوا يمشون بترتيب حلو بدر وجنبه ريم .. نواف وجنبه سارة ... اول مرة نوواف ينحرج سامي السعودي تكلم
سامي: هههههه يحليلاتكم لايقين على بعض
نواف بعصبيه : شدخل ... صج انك ... تدري لو مو هني بنات ..كان وريتك السنع
سامي : حتى لو اللبس واحد

نواف التفت يشوف اللي قاله سامي وشاف سارة لابسه بنطلون جينز وقميص مخطط بدرجات الازرق .. وعاه بني خفيف ... وحاطة اي شدو بيج شكلها كان جنان .. وهو لابس بنطلون جينز وقميص مخطط نفس الالوان .. ومتعطر بعطر .. ارماني الرجالي ... الريحة شي ...هههههههههههههههه... صج شكلهم كان يهوس

وسعود ونوف الللي كنهم يمشون بروحهم ولا احد هامهم البنات كانو يصفرون لسعود وهو بس كان يشوف قدامه نوف بس نووووووف .. سعود كان لابس بنطلون جيشي ابيض ومعاه قمسص ازرق والشعر طول شوي ولحيته برزت وسمارته ذباحة ... اما فهد ومها كانوا اهدا اثنين اروع ثنين مالهم اي حس ولا اي صوت .. فهد ببنطلونه البني المحروق والتي شيرت الارماني البيج كان يجنن ... والشعر مخفف وخاط الشوارب كلاسيك .. ومها .. لا بسه تنورة جينز مايله على الاخضر ومعاها بدي بنفس اللون .. واليوم اول مره تحط كحل وقلوس .. كان شكلها هوووس ... وصلوا الجميع للمختبر ... ولبسوا البالطو الابيض واستعدوا ... يعني كل واحد فيهم كان شكله خطير ... اما نواف فكان يهووووس .. الاهبل قاعد يسوي حركات عبط وكل اللي بالكلاس ميتين من الضحك عليه ....

الدكتور:know we will start … with this….. ويطلع لهم ذاك الضفدع ... هني البات تخرعوا ا لا مها ... كانت مستانسه على الوضع ... الدكتور طلب منهم انهم ينقسمون 2 مثل التوزيع القبلي وكل ثنين على طاولة ... وقفوا مثل توزيعهم ... الدكتور بدى يطلع الضفادع من الصندوق الزجاجي ويحطها بيد كل شخص ... يعني كانت الوجوه تثير الضحك من الاستغراب ... الشخص الشجاع حيل كان مها ... كانت مستانسه من الوضع وعاجبها حيل ....
والدكتور يمشي وصل لمكان ريم وبدر ... عطاهم الضفدع .. اللي شكله كان يبي يثير مشاكل

ريم : وععععععععععععععععع شنو هاي لزج وكله حرار
نواف يصارخ: يالهبله مو حرار اسمها مامادل ... صج ماتعرفين شي
الشباب اللي بالكلاس كلهم : هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههه
نواف يطالع نفسه بزهو علباله هو يتكلم صح .... الا وهالضحك يهده صوت نوف

نوف : الاهبل انت اسمها دمامل من مامادل ... الحمدلله والشكر
نواف يطالعها بنظرات هبله : ادري بس كنت استعبط
بدر اللي كان معصب من اللي صاير : نواف بس عاد يوز عن هالحركات .. مللتنا
وجا صوت جامد من الدكتور يطلب الهدوووووء من الكل ... الكل سكت وبدى يعد العده للتشريج ... نوف ويا سعود تساعدوا وبدوا يطبقون اللي يقوله الدكتور.. نواف يطلع اصوات بالكلاس ويخلي الكل يضحك ... وسارة كل شي تزفه وهو يستحي ويسكت .... احسن شغل كان شغل الثنائي الساحر مها وفهد ...كان كل شك مضبوط 100% يعني عدل اما ريمك وبدر صلهم موقف الا لا يوريكم .... ريم مسكت الضفدع علشان بدر يبدا ... الضفدع فلت وقعد ينط يمين وشمال وعمل فوظه فالمكان ريم اللي شوي وتصيح... الضفدع حل وقعد على شعرها ريم تقززت وقعدت تصارخ وبدر ميتن من الضحك يعني موقف ولا احلى مسك الضفدع وشرحه وكملو شغلهم وهم يضحكون الا ريم اللي بوزها ممدود شبرين الا ربع >> حلوة .... يعني كان يوم خطيرر ... طلعوا الجميع لان عندهم بريك حلو ... راحو الكفتيريا اللي اول مرة يدخلونها ... كانت واسعه وكبيره وحلوة من قلب لكن فيها اشياء ماعجبتهم الطلاب .... الاجانب يجيبون اللوعه ... البنات كنهم صبيان بلبسهم ... وفي عرب يظاهر نسوا عروبتهم وتبروا منها ... يعني الشباب كرهوا الوضع ... قعدوا كلهم على طاولة وحدة يسولون وهم يضكون لكن هالضحك تغير ... عند سعود لما شاف واحد يطالع نوف من فوق لتحت ويسوي لها حركات شبت النار بعيونه وتحرك من مكانه

سعود بكل جراءة تقدم من الولد اللي كان عريض واسمراني وعيون عسليه وخشمة سليل يعني شكله جنان ويبان خليجي ...سعود تكلم : هي انت ... شيل عيونك من على البنت واحشم نفسك فاهم
الولد : لوسمحت انا مو هي انا فارس من البحرين ولو سمحت مايخصك بس ليكون اختك وانا مادري... ةلا يمكن خطيبتك ولا حبك ...
سعود: الل الكلام اشعل به النار خلاه يصرخ صرخه صداها ترد مرات ومرات : حبي انا انت شتبي وكلم نوف اللي من الخوف لاصقه فيه : انتي حبي صح
نوف بكل طوعيه وطفوله : اي وهزت راسها
هني فراس الدنيا بعيونه اظلمت لكن تم يحلف بداخله وقال: سوري الشيخ مادريت ويالله عن اذنك وراي محاضرة ... بباي
موبس سعود اللي عصب الكل .. لان نوف كانت الام للجميع تهتم فالكل ... تلبي بطلاباتهم وماترفها .. وكان نواف يعتربها اقرب شخص له يحب يفضفض لها .. ودايما يقول لها انتي تذكريني باختي ... >>بسج عشوقو طلعتي من الموضوع ردي للجامعه
سعود رد ونوف ممتشبثه فيه مثل الياهل اللي مايترك امه ... طلعوا من الكافتيريا اللي حلف سعود مايدخلها مرة ثانيه ... سعووود بدى يحس بشعور غريب تجااه هالنوف يحس بالدفا والحنان من وجودها قربه... يحس بالامان يحس بدقات بالخفوق مايعلم بها الا الله ...ااااااااه انتي وينج من زمان وينج ... وده يفسر هالمشاعر بس مو عرف شيسميها ولا شيقول ... بس تدرون هاي مشاااعر وشو اكيد

دخلو المحاضرة الثانيه واهي قصيرة لساعه يعني بتعدي وبيطلعون ... هالمحاضرة كانت كلها حكي .. والدكتورة تتحجى والكل لايعه جبده يعني وضعهم ماكنهم بجامعه ابد فهد اللي تحجى .......
فهد:يا شباااااااااااااااااب...
نواف الملقوف قاطعه : تاكلوووون كباب .... وااااي على ايام الكباب اما تذكر (يكلم بدر) يوم كنا ببيت عزوز نقعد لي اخر الليل ندرس وناكل كباب ويا ليمون صج ايام
فهد : ههههههههههههههه ... كباب وليمون صج نكته ...سمعوا هالكورس قرب يخلص واكيد فيه اجازة .. بتردون الكويت .. وقطر
الشباب : مايندرى عقب بنخططط..... على حسب المدة والمزاج
الصبايا: الله عالم .. ماندري

المحاضرة عطتهم ذيج النظرة اللي خلتهم ينطموووون ... ويسكتون .... خلصت المحاااضلاة وطلعوا وردوووا البت وكل من قضى اشغاله واللي راح يريح ... مر هالاسبوع هادي وحلوو... قربهم من بعض بمواقفه وايامه .. وبدت ريم تتقبل التشريح بس للحين ماتحب الضفااادع ... يعني ايام ماتنسى

الويك اند ... اااااااااااااه عليه راحه من قلب ولا هم ولا شي ... هياته وطلعه ... يعني الصبايا بالمول يتسوقووون ... والشباب كانو رايحين السينما يعني ونسووووو نفسهم من قلب علشان يعدووون النفسيه للامتحانات ولوعتها .... هاي الامتحان الاول لهم من بعد الثنويه ولوعتها ... كان الاستعداد للامتحان غيرر ... عندهم يعني شي من قلب .... اللي تلاقيه بالصلاه منسدح على بطنه ويدرس بصوت عالي .... واللي رايح وراد بالصلاه للمطبخ للغرفه .... واللي يدرس على طاوله الطعااااااام ... واللي ولا شي هامه وبسابع نوووومه... اما البنات فكانوا يدرسووون مع بعض بالصاله الصغيره اللي تجمع الغرفتين ... ماوصفت لكم االصاله .... عمليه من قلب كانت باللون الوردي الفاتح والارضيه كانت ليمونيه وقطع الاثاث هني وهناك .. والدباديب ماليين المكان وقطع سجاد على اشكال وروود وفن من قلب كانك بغرفه يهال ... كانوا يدرسون بهدووء واهتمام ...

مرت اياااام الدراسه واقبلوا للامتحانات ... بكل جد واجتهاد يبوون يخلصون هالكورس الطويل بس الممتع .. الامتحانات كانت متفاوته في سهولتها ... بس طلابنا ما شاء الله عليهم شطار ويعجبونكم ... يعني الدرااااسه دراسه واللعب لعب ... جا اليوم المنتظر يووم الهده اخر يوووووم ... هاليوم جاهم ضيف عزيز .. جووووي تذكرووونه .... اي اي المسؤوول يارتى شيبي ...

جوي جاهم في الجامعه وجمعهم وطلعوا كلهم للسكن.... وقعدهم باللوبي اللي اخر مرة يوم اللي وزعهم ... تموا يطالعون بعض ويضحكووووون

جوي: ولكن وحشتوني كتير ... انا بعرف اني وحشتكن كمان ... سمعوني
نواف وسعود بهبل : مين بيئول انك وحشتنا ... الحقيقه انا كنا مرتاحين كتير بدونك
جوي وهو معصب : ولكن انا مشتاء وانتو بتخبروني بخبريه مو حلوة ... وانا اللي جاي خبركن بخبريه حلوة .. خلص ولكن انسووو مافي خبريه ولا في شي
نوف اللي لها سحر خاص على جوي: ولو انا خبرتك اني بدي اعرف شو هي الخبريه .. لو سمحت
جوي وهو ذايب من جمال نوف الفتان كانت لابسه برمودا ازرق وبدي طويل بيجي ومعاهم بوت خطير ومن فوقهم جاكيت لان الجو بدى يبرد بلندن : ولك يؤبرني انتي مابتطلبي انتي بتامر امر ستي .. الخبريه هي ان اجازتكن لمدة اسبوعين بالتمام والكمال ... ولو بدكن تسافروا خبروني
الكل : شكرا جووي عالخبريه ... مائصرت ابدا
جوي اللي استانس من كلام : ولكن شو بحبكن انا وقعد يغني ومعاه الشباب
بحبك انا كتير ... يا حبيبي ظلك طل علي وعيني بكير ... والشباب معاااه هيله ووناسه ... هني كان شي الجوو... جووي تركهم لان وررراه اشغال وحاجات مالها اي نهايه ابد ... صعدووووا الشباب للطابق وفتحوه ودخلووو

الشباب يسولفوون وبنفس الوقت البنااااااات
بدر: شرايكم مانرجع البلااااد ونقعد هني ... كلها اسبوعين ونرووح نخيم برررع
نواف : اي والله يبيله عووود ولا جيتاااار ولا اي شي وشوي يعني وناااسه من قلب ...انا موافق
سعود: والله الفكلاة حلوة ها شرااااايكم فهوووود؟
فهد: توكلنااااااا على الله اليوم نزهب الاغراض ... ومن غبشه (( الصبح )) الله نرووح
الكل واهوا مستااااااااااااانس: اووووووووووووكي
سعود: شرايكم نخبر البناتت؟؟؟؟
بدر: لا خلهن براحتهن يمكن يردن الديره

البنات اللي بعد يفكرووووووون بالقعده مكانهم لان الاجازة طويله وماتكفي للسفر فقرروا انهم يقعدووون ويونسووون نفسهم هني على اخر حد يعني المجموعه بتم واااااااااااااااااو .... ريم قاعده وياهم وطق في راسها انها تغنني .... اي صج في شي ماقلناااه عن ريم ان صوتها واااااااايد حلو لين تغني الا خطيرررر
ريم : صباااايا سمعووووووووووني
لقيت روحي بعدما انا لقيتك
بعد اللقى ارجول لالا تغيبي
صعبن علي ابقى وانا ما نسيتك
احساسي كني بين ربعي غريبي
كل مايبي من عمرك انا عطيتك
حتى الخفوق ينطق بكلمة حبيبي
البنات للمرة الاولى حسوووو ان ريم تغني باحسااااس كبير وكانها صج صج تحب ... عشوق شتخربطين ... ريم تحب ... والله كل شي جايز خلونا نواصل وبنعرف ....

سارة: ريماني.... اشوف الخفوق دق ؟
ريم بنظرة حالمه : ها.... لا من قال بس احب هالاغنيه من قلب
مها اللي المزح بدمها يجري : من قلب ولا من ريل
ريم اللي عبت شوي : تمت ترااااكض وراها تبغي تفلعهاااااااااااااااااااااا
قلنا الكل شسوا الا نوف ... نوف كانت قاعده عالنت تتوقعوون شتسوي ... نووف عشق حياتها القصص قاعده تقرى القصص على المنتدى ووهي هيمااااانه وتكلم ... جسوووم اخوها ... جاسم هاي يكبرها بسنه وحلوووو بشكل يعني خطير تسووووولف وياااااااااااااه .... تموووووووا البنات ضحك وسوالف ليم ماتعبوا .. وكل واحد راح غرفته علشااااااان يريح ويستقبل اول يوم في الاجاززة

ريم وعت عالفجر ... توضت وراحت قومت الباقي وصلوووا حتى الشباب قاموا وصلووووا ... ورد الكل ينااام ... الشمس لامست الارض واشرقت تحمل بين طياتها اموور حلوة بتسير فهاليووووم اللي شكله حااااافل بالاكشناااااات ... الشباب من الصبح قاعدين يرتبووووون امورهم ويحطوون اللي يحتاجووووونه .. واهم شي ان نواف خذ معاااااااه القيتااار يعني ربشه ... الشباااب اجرووووا سيااااااره وطلعوا راحو للمنطقه الجبليه للتخيم ... البنااااااااات قامو من النووووووم .... واولهم قعده نوف ... جهزت الفطور ... استغربوا من عدم وجوود الشباب مع ان الوقت من وهل .. بس البنات استانسو واو الحريه اليوم الطابق لنا بدووووون شباب ياي ما نصدق .... مها اللي اقترحت عليهم هالاقتراااااح

مها: صبايوووووووووو ... في منطقه شنووووو حلوة شي للتخيم شرايككم عليها
البنات : يبيله .. تمشي .. يبيلع ... تخيم ... يالله اووكي شورانا
اتصلوووووووووا البنات وجهزووووا اللي يبونه وحجزوا الهم تكت ورااااحوا بالقطار

ياترى بيتجمعوووون ولا لا ؟؟
وش حال الشباب وش بيصير فالكامب ....

يعني الاخبار فالباااااااااااارت 4