ستار أكاديمي عربي أو غربي شو رأيكم

[memo]

سلام أصدقائي.. من المعروف للجميع أن ستار أكاديمي برنامج عالمي و يوجد منه عدة نسخ في العالم نسخة فرنسية و نسخة أمريكية ..الخ و نحن طبعا نتابع النسخة العربية و برأيي الخاص لازم يكون نجم ستار أكاديمي يمثل العرب و يغني عربي و خاصة أن الشريحة الأكبر من الجمهور العربي تسمع عربي و ليس غربي.. و بشوف من بين كل الطلاب يلي بيغنوا غربي في جميع المواسم بما فيهم حامل اللقب نادر لم يحققوا النجاح المطلوب طبعا لا أقصد خلال وجودهم بالأكاديمية أكيد كان لهم معجبيهم و جمهورهم و حققوا شهرة كبيرة وقتها أنا أقصد بعد خروجهم من الأكاديمية و انتهاء البرنامج اختفوا..! و كل يلي نجحوا و أصبحوا نجوم لامعين منهم بيغنوا عربي.. و بالتالي برأيي لازم نجم ستار أكاديمي يغني عربي مو غربي و يلي بيحب يغني غربي يتقدم يشارك بالنسخ الغربية.. و لماذا بالنسخ الغربية ما منشوف مشارك بيغني عربي؟؟ بس عنا بالنسخة العربية منشوف مشارك بيغني غربي؟؟ و كمان بشوف أنه المنافسة و المقارنة بين الطلاب صعبة و غير عادلة بوجود نمطين مختلفين تماما من الغناء يعني ما بنقدر نقارن عبد العزيز و ميشيل قزي بالعربي بزاهر و باش بالغربي... و ما منقدر نقارن بسمة بالعربي ب لارا بالغربي.. كل واحد فيهم رائع بمجاله و نوع الغناء يلي بيغنيه فكيف بنقدر نحكم بهذه الحالة إذا بدنا نحكم على أساس عربي لازم يفوز عبد العزيز و ميشيل و ابراهيم و بسمة و إذا بدنا نحكم على أساس غربي لازم يفوز باش و لارا و زاهر .. مع العلم أني أنا بحب أسمع عربي و غربي... بس عم أحكي بالنسبة لمواصفات نجم ستار أكاديمي العرب.. شو رأيكم أنتم بالموضوع؟؟ و أسفة عالإطالة و شكرا