شرح كامل و وافي للاكاديمية في سيلك رود

[حسين ابوشقره]

بسم الله الرحمن الرحيم


يعني ايه اكاديمي فى لعبة سيلك روود

سؤال وجيه فعلاً

والاجابة عليه كاملة :

عندنا في حياتنا اكاديمية يعني مكان تعليمي و بتتعلم فيه حاجات مفيدة والاخر تتخرج بالشهادة

في سيلك رود نفس النظام

بتدخل الاكاديمية من اول ليفل 1 لو عاوز وتطلع ليفل 40

طب وايه الفايدة من ده ؟

اصبر عليا وشوف الفايدة من الاكاديمي دلوقتي

فكرة الاكاديمي في سيلك رود عامة تشجيع الناس الجديدة في اللعبة ومجرد وجودهم مع ناس ليفلات عالية اكيد هيفيدوهم بالمعلومات اللي يحبوها
طيب

قولنا كده على شكل الاكاديمية عامل ازاي ؟

الاكاديمية بيبقى ليها رئيس و مساعدين وطلبة

في سيلك رود الاكاديمي ليها guardian و assistant و apprentice

ال guardian هو صاحب الاكاديمية وهو اللي بيعملها وهو المتحكم الاول في الاكاديمية
ولازم يكون ليفل 60 او اكتر

ال assistants ودول بيبقو اتنين ويعتبرو المساعدين بتوع الجارديان وبيكونو ما بين 41 - 59

ال apprentice وهما الطلبة في الاكاديمي ودول ما بين ليفل 1 - 39

وبيبقو graduates يعني متخرجين بمجرد ما يوصلو ليفل 41 ويدوسو على ايكونة التخرج graduate

---------------------

طب ازاي الجارديان بيعمل اكاديمية وازاي بيدخل الناس فيها

الجارديان بيروح لل npc بتاع ال storage ويقوله عاوز اعمل اكاديمي ويدفع 100 الف جولد تمن ارض الاكاديمي ومعاه كمان تصريح من جويماكس لعمل الاكاديمي

بمجرد ما تدفع بتتعمل الاكاديمى



دلوقتي بقا عندك اكاديمية

تضيف الناس ازاي

بالطريقة اليدوية تدوس على الشخصية وتدوس L ( وده حرف شاشة الاكاديمي ) وبعدين تختار joining

او بالطريقة الاوتوماتيكي عن طريق ال Guardian Matching System

هتختار match هتضطهر لك الصورة دي


تحط فيها انت طالب مساعدين او طلاب للاكاديمي وبعدين كونفيرم


طب اللي عاوز يدخل الاكاديمي يعمل برده نفس الطريقة بس هيلاقي قدامه في ال guardian matching system الاكاديمي وصاحبها وليفل بتاعه والبيانات بتاعته ( يعني خرج كام واحد )

وطبعاً لازم يكون الجارديان اونلاين عشان يقبلك او يرفضك


ايه اللي هيحصل في الشاشة لما تدخل اكاديمي ؟

هيظهرلك شات خاص للاكاديمي

زي ده


على اليمين ممكن تزود او تقلل درجة شفافية الشاشة دي

وعلى الشمال ممكن تظهر او تخفي الموجودين اونلاين في الاكاديمي حالياً

وتحت في مكان للكلام عشان تكتب فيه chat يعنى

اي حد اونلاين في الاكاديمي ممكن تعرف مكانه على الخريطة

وبيكون لونه في الخريطة بمبي

ودلوقتى نيجى لفايدة الاكاديمي بالنسبة لكل من ال guardian وال assistant وال apprenice

بالنسبة لل apprentice في حاجه اسمها cumulated و accumlated buff
ودي بتزودله في الاكسبرينس

ال cumulated buff

ودي بتجمعها عن طريق ضرب الوحوش

وده بياخد جزء معين من الاكسبرينس ويجمعه في صورة cumulated buff

وفي نهاية ال 24 ساعة بتضغط كليك شمال عليها ( بتظهر جنب البفات اللي بتعملها ) وتتحول ل accumulated buff

ال accumulated buff دي 20 % منها بيروحو للجارديان

و 80 % منها بيفضلو مع الطالب

ودي مجرد ما تبدأ في التشغيل بتسحب 10 نقط على كل وحش وبتديك 10 % زيادة يعني لو الوحش بيديك 2000 exp هتاخد في حالة ال accumulated buff عدد وقدره 2200 exp

ولو شغال بجولد تكت يبقى 4400 exp وهكذا

تابع الصور عشان تشوف تقسيم ال cumulated buff لما تتحول ل accumulated




وطبعاً انت مستفيد من الحوار ده لان اللي بتكسبه من الاكسبرينس اكتر بكتير من اللي بتخسره

وبما ان الجارديان بيكسب من كل ال apprentice فبيستفاد هو كمان


________

طب الفايدة اللي بيستفيدها ال assistant

بيستفيد honor point بس ميقدرش يستعملها غير لما يتخرج من الاكاديمية لما يوصل ليفل 60 ويعمل اكاديمية مع نفسه وساعتها يبقى يستعمل ال honor points بتاعته

______

فايدة الجارديان ودي الاكبر بجانب ال accumulated buff

في حاجه اسمها evaluation point يعني نقط تقييم ونقط شرف honor point

وال honor points دي بتجيبها بمجرد تخرج ال appernice

وبتتحسب ازاي

كل ليفل قضاه ال apprentice في اكاديميتك تاخد قدامها نقطة

بشرط يكون ليفل 30 او اقل وقت الانضمام

لو اعلى من 30 مش هتاخد اي honor points

عشان محدش يستعبط ويحط ناس ليفل 39 ويطلعهم 40 وتبقى هيصة

يعني لو كان داخل الاكاديمي وهو ليفل 10 ووصل ليفل 40 هتاخد 40 - 10 = 30 نقط شرف

دول بنستعملهم في ايه

بتشتري بيهم sos items

sosun و som و sos

والاسلحة دي بيكون ليها durabilty معينة و بتكون repair invalid

ولو تحب تصلحها تشتري stone of honor ودي بتشتريها ب honor points برده

وبرده بتدفع جولد لما تشتري ال sos دول بجانب ال honor points

وطبعاً الموضوع مش سهل

كان كله مسك sosun


ازاي ال apprentice يتخرج من الاكاديمي

لما يوصل ليفل 40 يضغط على graduate في شاشة الاكاديمي ويقيم الاكاديمي وعلى اساس التقييم بياخد الجارديان evaluation points


ولما بتتخرج بتطلع بره الاكاديمي خالص وبيديك 50 % اكسبرينس زيادة في ليفل 40 كهدية

ولو فضلت فى graduate لبعد ليفل 41

بمجرد وصولك ليفل 41 الجارديان هيجبرك انك تسيب الاكاديمي وفي الحالة دي مش هتاخد اكسبرينس بس الجارديان ياخد honor points عادي

نفس الكلام لل assistant بيتخرج لما يوصل ليفل 60

ال assistant بياخد 10 % من ال honor points اللي خدها الجارديان

وزي ما قولنا ميقدرش يستخدمها غير لما يعمل اكاديمية خاصة بيه بعد ما يتخرج

___

باقي حاجه تانية

في ترتيب للاكاديميات على مستوى السيرفر من 1 ل 50 بيتجدد كل يوم بشرط يكون عندك 10 honor points او اكتر عشان تخش الترتيب ده وده اسمه honor rank
___

ودي شوية حاجات لازم تعرفوها

1- لو كنت جارديان وعاوز تفك الاكاديمي لازم يكون بعد 7 ايام على الاقل بعد انشائها
وفي الحالة دي هتمتنع من عمل اكاديمي تانية الا بعد 7 ايام تانية
وهتروح عليك كل ال honor points و ال rank بتاعك

اما ال apprenice وال assistant مفيش عليهم اي عقوبة

2- الجارديان من حقه يطرد ال apprentices بس لو طرد حد يتمنع من دخول حد لاكاديميته لمده 24 ساعة
ولازم عشان يطرد حد متكونش الاكاديمية متسجلة في ال graudate matching systm

3- من حق ال apprentice ترك الاكاديمي وفي الحالة دي بيتعاقب ب 24 ساعة امتناع من دخول اي اكاديمي تانية

4- من حق اي assistant ترك الاكاديميي وفي الحالة دي بيتعاقب ب 72 ساعة امتناع من دخول اي اكاديمي تانية بالاضافة لخسارته 10 نقط honor

5- ترتيب المشتركين في الاكاديمي بيكون كالتالي في شاشة الاكاديمي

guardian وده ليفل 60 فيما فوق

Intermidiate Guardian وده من ليفل 50 - 59

Beginner Guardian من ليفل 40 - 49

Expert Apprentice من ليفل 31 - 39

Intermidiate Apprentice من ليفل 21 ل 30

Apprentice من 11 - 20

Beginner Apprentice من ليفل 1 - 10


لو فى اى استفسار انا فى الخدمة

ارجو ان يكون الشرح وافى



منقول للأفادة