المساعد الشخصي الرقمي

مشاهدة النسخة كاملة : اتعلمو الدلع ...



SaRaH19000
03-22-2008, 12:48 AM
ازيــكو ... عاملين ايه .... طيب كويس

النـهاردة بقي انا عملت انقلاب علي البنـات اللي ملهاش في الدلع والحاجت دي
عايز كلكوكده تكونو بنانيت مدلعين وحلوين
موافقيـــن ولا ايه ظروفكو
طيب كويس انكم موافقين يبقي ركزو معايه بقي وعايزكو تتبعو الخطوات اللي هقولكو عليها دي
وانتو عارفين خليكو مع كلام طنط سارة وانتو تبقو حاجة كده من الاخر
يلا بينــا بقي ندخل في الجد
اولاً بقي شعرك يفضل مفرود علطول بس طبعاً تسرحية تسريحة حلوة كده مش يكون منكوش وظروفة وحشة
2 - لو كنتي مع مجموعة من زمايلك صوتك يبقي رقيق كده ومنخفض جداً جداً وتتكلمي ببطء شديد ورقة ونعومة " مش تقعدي تعلي في صوتك وتصرخي وتضحكي "
3- لما بقي تكوني قاعدة في حتة كده تروحي قاعدة علي طرف الكرسي وتسيبي الكرسي كلو فاضي كده وحطك رجل علي رجل بقي ياسلام علي الدلع يا دلوعـة
4- وانتي بقي قاعدة مع الناس اللي قولنا عليهم فوق دول لو حد منهم قال كلمة شعبية اضحكي كده بدلع براحة يعني وقولي ايه دة
5- بردو وانتي قاعدة مع نفس الناس طبعاً هتكونو قاعدين تتكلمو واحد قال كلمة تضحك اوي اضحكي بس اضحكي بنعومة كده ورقة
ماشي ولا ايه النظام

6-وانتي قاعدة بردو مع نفس الناس سبلي عيونك الجميلة كده "هي مش جميلة اوي يعني بس المكياج بيعمل شغل " المهم وانتي بتسبلي عينك كده تبقي تحركي رموشك كتير بتعمل منظر وكل شوية تبصي للسقف لو مفيش سقف بصي للسما مش مشكلة يعني شايفة يا الدلع يا دلوعة
7- وانتي بتاكلي بقي متفتحيش بؤك كأنك عند دكتور الاسنان كده كلي بأدب وبالراحة
8- وانتي قاعدة مع الناس دول كده ومرة واحدة لقيتي نملة ماشية هتروحي تضربيها لأ اوعي هتبوظي كل اللي انا قولت علية الله يخرب بيتك بصي بقي اول ما هتشوفيها هتروحي مصوتة وتلمي الناس مش تصوتي الصويت العالي تصرخي بالراحة كده

9- وانتي في المدرسة او الجامعة تمشي بهدوء كده وبالراحة مش تقعدي تجري ورا البنات تشدي في شعرهم خليكي بت رقيقة كده
10- ندخل في اللبس بقي لما تيجي تلبسي تلبسي لبس جامد طحن كده الالوان تكون حلوة وتختارية بعناية اوي والاكسسوارات كمان عايزك لما تروحي محل تشتري كل التوك والحاجات السمبتيك اللي بتكون في الشعر كده

11- طول ما انتي ماشية بقي قدام المحلات تشتري في دباديب وبرفانات بس تكون ريحتها حلوة والنبي علشان وانتي قاعدة قدام الكمبيوتر ممكن الريحة تدخل المنتدي وانا اشمها وتشتري بقي من الحاجات التافهة دي كتير
12 -اهم حاجة بقي تقولي انك مبتعرفيش تطبخي ولا حتي بترتبي اوضة نومك بنت دلوعة بقي لازم يعني تبقي كده

13-اخر حاجة بقي علشان انا تعبت منكو وانتي بتتمشي كده او رايحة تشتري حاجة تبقي تمشي بالراحة علي اقل من مهلك يعني تاتا تاتا هي دي الموضوع

الحمد لله انا كده خلصت كل اللي عايز اقولة
يارب بقي يا بنانيت تستفادو وتتعلمو الدلع علي اصولة متهيئلي كده ان انا جبتــلكم من الاخر اي خدعة
طبقو بقي الوصفــات دي وتعالو قولولي علي رأيكم وشوفو النتيجة قبل الدلع وبعد الدلع
اوووك
اه صحيح نسيت اقولكو تبقو تدعولي بقي بعد ما تدلعو