السلام عليكم ورحمة الله وبركاته

[memo]

السلام عليكم ورحمة الله وبركاته

لو حبيبك ندم ورجع لك ........ هترجع له

اكيد اكترنا عاش قصص حب فاشلة وبيكون الفشل فيها من وجهة نظرنا من خلال الطرف التاني حتي لو احنا اللي كنا غلطانين والعيب فينا احنا مش في الناس التانيه

مش معني كده ان الناس التانيه مش بتغلط لا كل انسان بيغلط احنا بشر ولازم نغلط

بس السؤال هنا لو انت حد غلط في حقك ياتري بقي ممكن تسامحه وترجع ليه من تاني

لو حد انت كنت بتحبه قوي قوي وحياتك اتدمرت من بعده ولبعده وجه ليك ندمان وحيران وطلب منك السماح هترجع له تاني

لو الحد ده القدر حطه في ظروف جبرته ان هو يكون بيت تاني واسره تانيه مع حد تاني غيرك وبعدين مرت الايام والسنين واكتشف ان البيت ده والاسره دي مش قادرة انها تعوضه لمسة حنان واحده منك

ياتري هترجع له

حتي لو انت في الوقت ده كانت روحك فيه وعايش الدنيا سوده وهو بعيد عنك عشان هو الانسان الوحيد اللي كانت راحتك معاه وبردو هو نفس الانسان اللي عشت سنين مكسور من بعده

لو جالك وفرش تحت رجليك بساط السعاده والامان تاني ياتري بردو هترجع له

انا مستنى رأيكم يهمني جدا وهيفرق معايا قوي
بجد انا اعتقد ان اللى يبيع مرة من السهل ان يبيع مرة تانيه
memo