شمس بكره
04-03-2009, 09:47 PM
البيضة ولا الفرخة .. الحكومة ولا الشعب .. مين السبب في اللي وصلنا ليه .. الحكومة ولا الشعب .. مين اللي خلى الوضع الاقتصادي سيئ .. والتعليم ضايع .. والرياضة فاشلة .. والفساد منتشر .. مين اللي خلانا بلد ملهاش مكانة ولا قرار ولا قوة؟؟ .. مين اللي وصلنا لكده؟ .. ومين اللي حيحل المشكلة؟ الحكومة ولا الشعب؟ .. كلام كتير ممكن نقوله .. تعالوا نشوف رأي نائر ونئير
نائر: أنا بصدق رأيي إن المشكلة كلها عند الحكومة .. هي السبب وهي اللي ممكن تحل .. ومفيش أي كلام تاني
نئير: لا حيلك .. حيلك .. يعني إيه مفيش كلام تاني .. أنا مش مقتنع بالكلام ده أساساً .. مش كل حاجة الحكومة
نائر: قولي بقى أنت متعاطف مع الحكومة .. وحتقعد تقول الحكومة حتعمل إيه ولا إيه .. ويا جماعة الحكومة غصب عنها .. والكلام الخايب ده
نئير: اهدى عليا .. وواحدة واحدة .. أنا شايف إن الحكومة هي ضيعت البلد .. وطوال 28 سنة والبلد في النازل .. في النازل .. لحد ما نزلنا البدروم ..
نائر: أمال معترض ليه يا خويا
نئير: عشان أنا شايف إن المشكلة الأكبر في الشعب .. فينا احنا .. الحكومة غلطانة .. فساد ورشوة وظلم واستبداد ومحدش عايز مصلحة البلد .. وكل واحد منهم طول ما هو على الكرسي يمص دم البلد لحد آخر لحظة .. لكن برضه الشعب هو اللي سكت .. واحنا اللي سمحنالهم يعملوا فينا كده
نائر: واحنا في إيدنا إيه يا عم المناضل .. همّا في إيدهم البلد كلها .. حنعمل معاهم إيه؟؟
نئير: يا بني ما كل حكومة في العالم كله بيبقى في إيدها السلطة .. لكن الشعب الصاحي الواعي هو الي بيقدر يحافظ على بلده .. ويعرف يجيب حقه
نائر: متلفش وتدور عليا .. أنا سألتك سؤال حنعمل إيه معاهم؟
نئير: منسكتش على حقوقنا .. نطالب بحقنا في كل وقت .. نقف قدامهم على أد ما نقدر .. زي أي شعب في الدنيا .. أوعى تفتكر إن الحرية اللي موجودة في الغرب وأمريكا عشان حكومتهم محترمة .. لأ طبعاً .. عشان الشعب هناك مبيفوتش غلطة للحكومة .. ودايماً عارف حقوقه .. ومش ساكت
نائر: طيب لو مسكونا؟
نئير: لو الشعب كله اتحرك وبقى إيجابي .. مش ناس تتكلم وناس تسكت .. الشعب كله لو طالب بحقوقه حترجع .. ولو عايز يغيرهم حيقدر
نائر: برضه افرض مسكونا
نئير: مستحيل يمسكوا الشعب كله
نائر: يا بني دول جبابرة ويعملوها
نئير: ما هو لو مسكونا كلنا مش حيلاقوا حد يحكموه
نائر: بس كده حيستفردوا بالبلد
نئير: أهو ساعتها السجن حيبقى أحسن من خلقتهم
نائر: أنت بتتكلم جد .. سجن؟
نئير: هو في حد نفسه يدخل السجن!! .. لكن اللي بيطلب حقه بيخدوا مهما أذوه في الآخر حيوصله .. لكن اللي بيطاطي راسه .. لا مؤاخذة بياخد على قفاه .. هي دي الحقيقة
نائر: أنا بصدق رأيي إن المشكلة كلها عند الحكومة .. هي السبب وهي اللي ممكن تحل .. ومفيش أي كلام تاني
نئير: لا حيلك .. حيلك .. يعني إيه مفيش كلام تاني .. أنا مش مقتنع بالكلام ده أساساً .. مش كل حاجة الحكومة
نائر: قولي بقى أنت متعاطف مع الحكومة .. وحتقعد تقول الحكومة حتعمل إيه ولا إيه .. ويا جماعة الحكومة غصب عنها .. والكلام الخايب ده
نئير: اهدى عليا .. وواحدة واحدة .. أنا شايف إن الحكومة هي ضيعت البلد .. وطوال 28 سنة والبلد في النازل .. في النازل .. لحد ما نزلنا البدروم ..
نائر: أمال معترض ليه يا خويا
نئير: عشان أنا شايف إن المشكلة الأكبر في الشعب .. فينا احنا .. الحكومة غلطانة .. فساد ورشوة وظلم واستبداد ومحدش عايز مصلحة البلد .. وكل واحد منهم طول ما هو على الكرسي يمص دم البلد لحد آخر لحظة .. لكن برضه الشعب هو اللي سكت .. واحنا اللي سمحنالهم يعملوا فينا كده
نائر: واحنا في إيدنا إيه يا عم المناضل .. همّا في إيدهم البلد كلها .. حنعمل معاهم إيه؟؟
نئير: يا بني ما كل حكومة في العالم كله بيبقى في إيدها السلطة .. لكن الشعب الصاحي الواعي هو الي بيقدر يحافظ على بلده .. ويعرف يجيب حقه
نائر: متلفش وتدور عليا .. أنا سألتك سؤال حنعمل إيه معاهم؟
نئير: منسكتش على حقوقنا .. نطالب بحقنا في كل وقت .. نقف قدامهم على أد ما نقدر .. زي أي شعب في الدنيا .. أوعى تفتكر إن الحرية اللي موجودة في الغرب وأمريكا عشان حكومتهم محترمة .. لأ طبعاً .. عشان الشعب هناك مبيفوتش غلطة للحكومة .. ودايماً عارف حقوقه .. ومش ساكت
نائر: طيب لو مسكونا؟
نئير: لو الشعب كله اتحرك وبقى إيجابي .. مش ناس تتكلم وناس تسكت .. الشعب كله لو طالب بحقوقه حترجع .. ولو عايز يغيرهم حيقدر
نائر: برضه افرض مسكونا
نئير: مستحيل يمسكوا الشعب كله
نائر: يا بني دول جبابرة ويعملوها
نئير: ما هو لو مسكونا كلنا مش حيلاقوا حد يحكموه
نائر: بس كده حيستفردوا بالبلد
نئير: أهو ساعتها السجن حيبقى أحسن من خلقتهم
نائر: أنت بتتكلم جد .. سجن؟
نئير: هو في حد نفسه يدخل السجن!! .. لكن اللي بيطلب حقه بيخدوا مهما أذوه في الآخر حيوصله .. لكن اللي بيطاطي راسه .. لا مؤاخذة بياخد على قفاه .. هي دي الحقيقة