حركات الشباب بس على مين....!!

[نور]

ازيكم يا بنات

اوعوا تصدقوا اي واحد من الشباب.......... شوفواالاكاذيب واحكمواhttp://www.3gypt.com/vb/images/smilies/1.gif



صاحبنا بيقول ايه ....

(حبيبتي عارفه والله ما عنديش حركات الشباااب ... ومش بكلم بنات!... أصلاً ما أحبش الحركات دي !...)






طب منين وانت كل البنات عارفينك........يمكن نجم كورة بقى.....مشهوووور ياض





شوفوا دي كمان http://www.3gypt.com/vb/images/smilies/1.gif


(مش عارف ياحبيبتي حاسس اني اعرفك من زمان)

دا طبيعي لأن فيه بينها وبين اللي قبلها شبه كبير هههههههههه



دي من الجمل الشهيرة لدي الشباب ...


(حاسس ياحبيبتي انك مختلفه عن كل البنات بجد انتي غيرهم كلهم )




دا علي اساس ان فوق رأسها ريشه ولا من كوكب ثاني



شوفوا الكدب لحد فين ...

تعرفي يا حبي انا حاسس ان فيه حاجات كتير متشابهين فيها وكأننا شخص واحد




سبحان الله أخوها في الإسلام لازم يكون في شبه ههههههههه





دا فقع المرارة بجد ....


(ياريتني يا حبيبة قلبي عرفتك من زمان!...)





معلش وانت كنت فاضي ياعيني




شوفوا الاونطه .....

يا حبيبتي انت تأمري قلبي أمر... كل الي تقوليه يتنفذ ياعمري!...



ههههههههههههههههههههه


طبعا دا في الأحلام جيبي بس سيرة تعالى اطلبني من بابا هيفلسع





شوفوا الاستهبال بقى ...



يا حياتي مش عايز ولا شعرة تبان منك وانت خارجه انا اصلي بغير عليكي مووووووووووت


لا ياحرااااام الغيرة اكلت قلبك اكل
بس حلو لما تتزين وهي رايحه تشوف جنابك......جتك خيبه






الكدبه الكبرى .....


هاجي اخطبك من أهلك بعد ما أكون نفسي!...

طب منين وانت مضيع فلوسك على الموبايلات واللف مع اصحابك في كل حته



مقلب حلوووووو .....



يا قلبي عايز أشوفك في أقرب وقت...مش قادر على بعدك ثانيه

طبعا مقلب في الغلبانه عايز اصحابه يتأكدوا إنها حلوة





مؤلف حضرته....



عارفه يا حبيبتي أنا بحب الشعر ومن هواياتي الرسم والسباحة!...

قال يعني الواد رومانسي ....ليه يا واد بيكاسو ولا عبد اللطيف ابو هيف حضرتك:evil_lol:






من الاقوال المأثورة طبعا .......



حبيبتي حطي في بالك أنا إذا حبيت احب من قلبي بجد



طبعا بس ياترى أي قلب فيهم ؟؟؟؟


دي خباثه بقى ....



علاقتي بيكي محدش يعرفها أبدا لأنها من أهم خصوصياتي!...


طبعا ماعدا اصحابك اصلهم مش أي حد





شوفوا النصب .....



لما رقمك يرن على موبايلي بحس قلبي بينط من مكانه



طبعاأكيد خايف تكون كشفت ملاعيبك وضحكك عليها:evil_lol:




ملعوب خطييييييير ........



حبيبتي أديني صورتك علشان تبقى اخر حاجه شافتها عنيا قبل ما أنام!...



لا وانت الصادق علشان لما تمل منها تهددها


شوفوا دي كمان


آسف يا حبيبتي أمبارح ما اتصلتش بيكي كنت مشغووووول قوي في المذاكرة!...


دا على اساس انه عالم زمانه وهو تلاقيه بينجح بالعافيه وبينجح بالشلوووت او ببركة دعا الوالدين:evil_lol:


قشطه عليكم ياشباب


دي بعض من اقوالكم وافعالكم بس مش كلها طبعا صبركم عليا لسه عندي ياما

وانتم يابنات اللي عندها جمل تيجي تقولها هنا.....عاوزين نسيحلهم على اد ما نقدر
يلاااااااااااااااا مستنياكم
وعايزة اشوف ياترى الشباب هيرد ويقول ايه .