تنبيه هام الى السادة الاعضاء

[Bunny-Star]

تنبيه هام الى السادة الاعضاء
============

فقد راينا في الفترة الاخيرة بعض الردود التى لا تحمل سوى عبارة مشكور او شكرا أو ردود مشابهه الغرض منها جمع عدد من المشاركات ليس الا الامر الذي يخرج المشاركة الأصلية من مجالها دون تفاعل حقيقي
لذا سوف تقوم الإدارة بشطب أية مشاركة تتضمن رد غير مفهوم او رد لا يتعلق بموضوع المشاركة واذا تطلب الأمر سوف تقوم الادارة بشطب العضو اذا تكررت مشاركته بذات الطريقة بعد هذا التنبيه

http://b7st.com/images/ghorab-8.gif

[safa2]

السلام عليكم ورحمة الله وبركاته

مشكووووووووووورا

تسلم ايدك

[safa2]

السلام عليكم ورحمة الله وبركاته

مشكووووووووووورا

تسلم ايدك

[Danna]

السلام عليكم ورحمة الله وبركاته

ميرسيه على الموضوع ودايما موضوعاتك قيمة ومميزة

ويارب دايما بالتوفيق وفى انتظار المزيد من موضوعاتك اللى بتفيد كل قارىء

وبالأخص الموضوعات اللى فيها رسالة بتحمل فى مضمونها قيمة يستفاد منها الجميع

ولو سطر أو صورة

وده دايما متعودين نشوفه منك ويارب دايما فى تميز وتألق

[Danna]

السلام عليكم ورحمة الله وبركاته


طبعا الكلام ده كلام سليم





وكان يبقى أحسن لو حصل من زمانوالا دايما كدة بناخد القرارات بعد فوات الأوان وطبعا أنا قولت رأى فى الموضوع ده قبل كدة كتير بس واضح ان لما الموضوع زاد عن حد ه بدأنا ناخد القرار وأكيد كويس إتخاذ القرار فى الموضوع ده لان أى عضو ممكن تزيد عدد مشاركاته وتبقى عبارة عن مشكور بالرغم ان فى أعضاء كتير بتعمل مجهود وبتتعب بموضوعاتها ومشاركاتها اللى بتضيفها

أتمنى رأيى مايكونش ضايق حد بس دى الحقيقة لإنى أتكلمت فى المووضوع ده من أول مابدء ينتشر وماكنش فى استجابة وكنت بفاجىء إن الموضوع بيزيد دون كنترول


وطبعا بالتوفيق دايما ان شاء الله

[شمس بكره]

السلام عليكم ورحمه الله وبركاته


تنبيه مهم ورائع وفعلا كان مطلوب من زمان

المنتدي لازم يكون فيه تفاعل زي التوبيك في غرف الشات ينفع حد يطلع علي المايك يقول شكرا التوبك حلو وينزل ولا بيطلع يقول رأيه ويتناقش وناس ترد عليه

لو فعلا عايزين المنتدي ينجخ لازم نتفاعل مش نكتب كلام من غير حتي ما نقرأ الموضوع

فنضع ردود لا تناسب اطلاقا الموضوع

ولازم نقول ان في اعضاء ردودهم رائعه وكأنها موضوعات جديده

اتمني ان الكل ياخد باله من التنيه ونفذه

واتمني كمان الموضوع يتنقل لقسم قرارات اداريه لانه هنا مش واضح


وشكراا

[Danna]

السلام عليكم ورحمة الله وبركاته

فعلا كلام سليم شموستى

أنا برده شوفت انه لازم يبقى فى القرارات الادارية بس المهم من ده كله

إن الموضوع ده المفروض مايتحذفش أو يتمسح منه أى رد ممكن يكون رد بناء ويشجع على تفاعل ونجاح المنتدى

ويكون زى جرس تنبيه لبعض الأعضاء اللى مش عندهم فكرة ياعنى ايه مشاركة فى منتدى

وياعنى ايه تكون المشاركات لها أهمية ومضمون يستفاد منها الجميع

وأتمنى إن يكون هذا القرار واضح لإن فى ناس مستمرة فى موضوع ردود دون أى أهمية

لازم يبقى فى تفكير وتعبير عن الرأى زى ماتبقى بتقرى فى صحيفة أو كتاب وبيبقى ليك تعليق أو نقد