وحشتينى يا مصر

[محمود الشاعر]

انتباه و تعظيم سلام لمصر والف الف الف بوسه لارض مصر

حبيبتى يامصر يا نوارت كل عصر يا ام التاريخ والاصل

وحشتينى وحشتينى يا جنينه فى وسط قصـــــــــــــــــــر

بحبك يا مصر يا م الدنيا كلها وابوها واخوها وخالها وعمها

مصر مش حروف فى كلمه مصر سما وارض ونيل وميه حلوه

مصر قلوب طيبه ولحن فى كل غنوه

الله على شعبك الله خفت دمو بيضحك حتى فى حزنو وجرحو وهمو

وحشتينى وغصب عنى يا حبيبتى بعت عنك غصب عنــــــــــــــى

وحشتينى وغصب عنى يا حبيبتى اتحرمت عينى منك غصب عنى

بس والله والله انا مش ناسيكى سيبتك بجسمــــــــــى

بس قلبى روحى عقلى كلى باقى فيـــــــــــــــــــــــــى

وحشتينى يا مصر وحشنى الشوارع والمبانى والحارات

وحشتينى ونفسى اجيلك واشتكيلك واحكيلك عن كل الاهات

وحشنى كورنيشك ونيلك وشطو وكل واحد ماشى عليه ايدو

فى ايد حبيبتو حب ايه عشق ايه وفرح ايه يا بخت كل

عاشق فيكى يا مصـــــــــــــــــــــــــــــــــــــر يا بختو

وحشنى الكبارى والاراضى والمزارع والصحارى

وحشتنى شبرا ودورانها وامبابه وجمالها والعتبه وميدانها

وحشتنى بولاق والسيده والحسين وحشتنى القلعه والتحرير وبين الصورين

وحشتنى القاهر الساهره حتى الصباح وليلها ال يداوى كل الجراح

وشط اسكندريه السنيوره الماريه ال فيها العيون تسهر ترتــــــــــــــــاح

وحشنى قناة سويسك وبور سعيدك وحشنى فلاحينك وصعيدك

وحشتنى وحشنى شرقك وغربك وحشنى هواكى وسماكى ودفا قلبك

انا بتاسفلك يا مصرمن كل قلبى عرفت أيمتك لما سيبتك ودموعى عليكى تنزل

لما اللئيم والجبان والشيطان بيجيب فى ســـــــــــــيرتـــــــــــــــــك

بيغيرو منك ومن جمالك بس ولا يهمك ولا يهزك ارفعى راسك واتبغددى وسوقى

فى دلالك دا حقك يا مصر ما انتى حلوه ودافيه وحنونه وكلنا نموت عشانك

يا ال ما روحت مصر يا ريتكو تروحوها مش هتحبوها بس دا انتو هتعشقوها

وجربو ماشيه على شط نيلها اوسهره على قمر ليلها ابدابدا مش هتسيبوها

بالسلام راح تدخلوها وبالسلام هتفارقوها

وحشانى وحشنى سبعه تلاف من السنين رسم و فن وحضاره

وحشتنى الجوامع الكنايس الصخور والحجاره وحشنى فيكى كل بيت وكل حاره

وحشنى الهرم وابو الهول والخفه والفهلوه والشطـــــــــــــــــــــــــاره

وحشتينى يا سته اكتوبر وتلاته وسبعين يابلد السلام والحب والحنين

وحشتينى يا بلد المحبه الموده الكل فيكى اخوات مسلمين مسيحيين محبوبين

الله عليكى يامصروانتى قادر وصابره وشايله الهموم وكل يوم فيكى احلااحلا من كل يوم

مصر يا عسل وصافى ياحضن دافى يا قلب وافى مصر يا نجمه على كتافى وحشتينى

مصر يا حب ما يتنسيش يا حلاوه ماتنتهيش

والله انا نفسى فى حضنك اموت واحيا واعيش

ماتزعليش يا مصر مال باعك وخانك وال سافر وسابك

هيلف يدور ويرجع لحضنك يسجد بايس ترابك

يا حبببتى يانوارت كل عصر ياام التاريخ والاصل وحشتينى يا جنينه فى وسط قصر

تعظيم سلام لمصر والف الف الف بوسه لارض مصر

بحبك بحبك بحبك بحبك بحبك مليون بحبك يا مصر مليون بحبك يا مصر

انتباه وتعظيم سلام لمصــــــــــــــــــــــــــــــر

محمود الشاعر(وحشتينى يا مصر)