الحل اية !!! نفسى اعرف

[الملك]

احساس الوحده بيكبر جوايا اوي لما باحس اني باتكلم لغه مش مفهومه.. اوباقول كلام محدش سامعه..
زي بالضبط الاخرس اللي نفسه يصرخ ومش قادر..ولو صرخ مالوش صوت..!
لما تقف لوحدك تماما في وسط الكل.. لما تعرض مشكله انت بس اللي عايشها.. لما توصف احساس انت بس اللي حاسه..
تحس ساعتها ان الكل ضدك.. يمكن لانه خايف على نفسه و يمكن لانه خايف عليك و الاحتمال الاكبر انه خايف من الناس..
و ممكن في عز خوفه ده يقول كلام يوجعك و يجرحك..
يمكن بيدفعك لطريق معين و يمكن بيضغط عليك علشان تعمل حاجه غصب عنك و يمكن بيوريك عينه من اللي هاتشوفه لو فضلت مصر على موقفك..
وكأنه بيقولك.. خليك حلو.. و اللي انت فيه النهارده اهون من اللي الناس هاتعمله فيك بكره!!
احساس فظيع بعدم الاحساس.. و تبتدي تفكر .. الحل ايه؟؟ الحل فين؟؟



هل الحل في الاستسلام و اهي عيشه و السلام.. ولا هو في الوقوف و الدفاع عن الحق لاخر لحظه مهما كان التمن..؟



هل فعلا احساسك كله غلط و هم ادرى بيك من نفسك ولا محدش حاسس بحاجه اصلا؟؟


هل في حد ادنى من الوقت و العذاب قبل ما تاخد قرار و الناس تعترف بيه و تقبله ولا ممكن احساسك في وقت قصير يدلك و يكون كفايه؟؟


هل لو حد بيحبك اوي ده كفايه انك تعيش معاه حياه ناجحه حتى لو انت مش حابب الحياه دي او مش حابب نفسك معاه؟؟


هل ممكن انسان يتغير بالسهوله دي و ليه لازم الانسان ده يكون انت رغم انك انت اللي بتشكي و محدش اشتكى منك؟؟


هل تصدق وعود ضاعت قبل كده و لا تبقى انت اللي بتضحك على نفسك؟؟


هل لو استسلمت حد هيحس بيك بعد كده و لا هاترجع زي ماكنت بس يزيد عليك انك ماتفتحش بقك تاني؟


هل تجرب و تبقى الطيب اللي بيسمع الكلام و بيريح الكل على حساب نفسك ولا تبقى الشرير المتمرد اللي عايز راحته و بيدور عليها بعد كل التعب اللي شافه؟؟


هل تخسر اللي حواليك ولا تخسر نفسك..؟؟


هل ده يبقى حلال و لا حرام؟؟؟؟؟؟
هل كلمة اسف تمحي الجرح وهل تكفي للعذر ؟؟؟؟



الف هل و هل جوه راسي..
كلهم عايزيني اكدب احساسي..
إيه رأيكم ابتدي من جديد واعمل ناسي..

و كأن اللي فات ماكنش صعب ولا كان قاسي..!!


تحياتى محمود o8o الملك o8o

[dodo_1407]

يسلموووووووووووو ايديك يا ملك على الموضوع الحلو
اللي بيضحي ده الناس بتفتكرو اهبل ؟
واللي بيحب حد اكتر من نفسو الناس بتفتكرو اهبل؟
واللي بعمل حساب غيرو قبل حساب نفسو برضو الناس بتفتكرو اهبل وبتحتقرو؟
ياترى ايه الحل انا كمان بسئل نفضل كده ولا نبقى حد تاني ولا في كلتى الحالتين مكروهين ؟؟؟؟؟
تقبل مروري
عوووووووووووووووافي

[spiky]

تسلم ايدك على الموضوع الجميل ده بس انا شايف انه لازم يكون فيه تضحيه من الجانبين عشان الحب ده يستمر

[الملك]

biggrinbiggrinحبيبى يا سوبايكى انت منور الموضوع والله وكلامك صح قمة الحب انك تحب حد بيحبك وبيحترمك وتبادل المشاعر بين الطرافين biggrinbiggrin

[BaRa2eT 2aLb]

الملك ....


موضوع متميز لكن لي وجهة نظر قد أصيب أو اخطي لكنها طباع وقناعات ..
تلكمُ هي
...
لا ننظر فقط الي آراء الآخرين والا لن نفعل شئ فهم كإختلاف أجناسهم نجدهم جداً مختلفين في ارائهم ولكن علينا ان نعمل ما نراه نحن في البداية وننتظر النتائج بغض النظر عن الفشل والنجاح - أعقلها وتوكل - فالسعادة في رضا الله ثم التصالح مع النفس وتحقيق الاهداف والتآلف مع المجموعة التي نعيش بينها وبعض الرضا عن النفس وتوافر بعض الكماليات والصحة الجيدة والأمان النفسي. ولكل إنسان ثلاث صور: صورته كما يرى نفسه، وصورته كما يراه الآخرون، وصورته الحقيقية التي هي مزيج من الأثنين، وهذا يؤكد أن هناك من يفهمنا بصورة ما لكن يجب أن تكون صورتنا واضحة.


يجب أن نكون أكثر وعي وأكثر ثقة في النفس ونتعلم مما حدث وننسي ما كان ونري المستقبل بصورة أوضح لذلك يجب أن لا نجعل الأساس لنا تصرفات الآخرين بل تصرفاتنا نحن .. والحياة غالية فلا يجب أن نكون بجانب سوي من يستحق ومن نختار .. ومن يدري ربما ينتظرنا الأفضل والأجمل.


أما كلمة لطفاء أو طيبون أو من يتعاملون بنوايا حسنة لا تعني السذاجة والانهزامية ..... بل أجد فيها ما يكفي لإعادة صياغة أرض بأكملها


دمت بخير


BaRa2eT 2aLb

[نور]

موضوعك جميل وفعلا يستحق الشكر الي الامام دائما