نصائح هامه من أخونا صمرقع للجميع

[Cat]

السلام عليكم ورحمه الله وبركاته

حبيت استأذن أخوي صمرقع في طرح هذا الموضوع

كنت اسئله عن الاشياء المهمه لتطوير المنتدى ويكون التصفحه سريع

وماشاء الله عليه كفا ووفا وحبيت الكل يستفيد


اولا يا غالي ابي ابين نقطه اني ما لميت بكل نواحي الموقع ولا اعرف الظروف والاسباب تخلي الموقع يكون توب ..

لكن اساسيات الموقع الناجح بنظري القاصر تكون كالتالي :
1. ان الموقع يكون متخصص بشي معين انت تحبه وتهواهـ وراح تلاقي موقعكـ كله اعضاء نشيطين ما يملون لانهم ما سجلو فيه الا لانه عاشقينهـ مثلكـ ..

2.ركب اقل الهاكات الممكنه والضروريه بقدر الإمكان ولاحظ ان هاكات تصغير الصور ممكن تسبب توقف كامل للموضوع .

الهاكات التاليهـ فقط اعتقد انها مو ضروريه لكنها تكميليه ومشاكلها فقط اذا اخطأت في التركيب :


المحادثة

الصندوق الماسي

اخر عشرة مواضيع

الاحصائيات => وممكن تسبب ثقل بسبب كثرة الاتصال بالقاعدهـ واستدعاء بيانات مختلفه زائدهـ عن الحاجه ..

الاسامي في مربعات


3. الاستاايل يفضل انهـ ما يحتوي على صور كثيرهـ .. يعني لو اكتفيت باطارات خفيفه صغيرهـ والهيدر ما يكون طولهـ يتعدى 150 pxl .. وبدون اطارات للمنتدى ( لانه راح يعلق صفحتكـ لحد ما يكتمل ) .. وبرضه الهيدر لا يكون فلاشـ او لو كان فيستحسن انه عند برمجته يتم الاستعانه بـ preload ******* اللي تجي مع برامج تصميم الفلاش .. وهي كود جافا يسهل تشغيل الفلاش ..

4.لا تكثر الاقسام لمجرد تعبية الصفحه .. حط الاقسام اللي تحس انها مهمه وضروريهـ وتعتمد بالمقام الأول على النقطه 1 فوق .

5. اغلب المشاكل تكون من الاستضافه .. وراح تضطر تستفسر منهم عن اسباب البطء .. يمكن سيرفرهم بطئ .

6.حاول بقدر الإمكان انكـ تتواجد مع الأعضاء بنكـ ثاني غير نكـ العضو رقم 1 .. وانكـ اذا بغيت تعين مشرف على قسم مثلا .. مو ضروري يكون لكثرة مشاركاته .. قد يكون لمحتوى مشاركاته ..

7.اكرر رقم واحد .. اؤيد وبشدهـ تخصصكـ بمجال معين وانكـ تبتكر اشياء مو موجودهـ او مو منتشرهـ على الأقل .. واهم شي تكون تابعه لهوايتكـ .. لان فتح الموقع مو شي الانسان يفتخر فيهـ بقدر ما يفتخر بمحتوى المنشور بموقعه ..

هذا اللي قدرت افكر فيه الحين .. والشباب افهم واعلم مني وانا مجرد نقطه في بحر تريدنت ..
ما قلت الا اللي اعرف واللي لو كنت بفتح موقع راح اسويها فيه ..

واشكركـ مرهـ ثانيه على هالثقه وهالاخلاق العاليه ورحم اللهـ من رباكـ وجعل الجنه مثواهم ومثوانا ومثوراكـ ..