شمس الليل
03-22-2008, 11:17 AM
الشباب والديون (الاسباب+النتايج والعواقب+الحلوول))
السلام عليكم ....
موضوع جديد هذا الاسبوع وانشاء الله الجميع يستفيد منه شباب وبنات وهو عن الشباب مع الديون
(اولا الاسباب)
1_اول شي الشاب الغير المتزوج اغلب ديونه تكون لشراء سياره فخمه وهو ليس بحاجه لها سوى
بانه يتظاهر امام ربعه بانه ولد عز وبانه محد احسن عن حد واغلب شبابنا هذا تفكيرهم السلبي يعني شاب يعمل في الشرطه ولا الجيش او حتى اي مجال اخر معاشه راح يكون اللي يتقاضاه في نهايه الشهر لا يكثر من 10 تالاف درهم ولا دخل اخر له غير هذا الراتب البسيط في ظل هذه الظروف المعيشيه الصعبه وكل معاشه راح يخسره على هاي السياره الفاخره وللكشخه والمظهر الكذاب وهو لا يملك في نهايه الشهر عشر دراهم لصب البترول في السياره ... واغلب شبابنا يشترون اكثر من سايره وماخفي اعظم .....
2_من اسباب الديون يكون بان احد من الشباب يلجأ الى الاعمال الحره ويسحب قرض من البنك على الاقل 300 الف كراس مال للمشروع وهو يتحسب عمره بانه من اشطر التجار وهو حتى في الاخير تلقاه حتى مايفهم في البيع والشراء في المحلات العاديه ويتوهق في الاخير ويخسر كل شي في غمضه عين وياعيني عقب على شكاوي البنك عند المحاكم ليل على نهار يطالبونه بالتسديد
3_ بعض الشباب يلجأ للديون لبناء قصر مش منزل عادي فاخر وفيه حوض وفيه حديقه وفيه شلال
ويتحرى عمره في ماليزيا ويتشري الاثاث الفخم الغالي وكل ها قرض من البنك وهو راس ماله معاشه من وين له يدفع كل ها عقب ؟؟
4_لجوء الشاب للديون بسبب تخلف تفكير بعض الاهالي والحمدلله في طلب المهر الغالي يعني واحد وده يتزوج ويكمل نص د ينه ويستر على نفسه ويبتعد عن الاثم يفكر يتزوج ومن يجد العروس المناسبه له
ينصدم بمهرها وكانه الريال رايح يشتري له ناقه مب بنت (السموحه على هاي اللفظه لكن هذا الحاصل حاليا في مجتمعنا المتخلف) وها غير القرض حق الفندق والفرقه وفستان العروس من عند اروشي وغير ليالي العرس والملجه والحناء يعني بالله عليكم كل هاي المخاسير الريال من وين له بيزات غير انه يلتجا للديون وخلاف يعقون اللوم على الشاب المقترض وياحظك بعد لو طلعت حرمتك تستاهل كل هاي التضحيه لها
5_بعض الشباب من غير ديون السياره على ظهره وديون العروس وبناء البيت تلقونه بعد يتسلف حق السفر والكشته خاري البلاد مرتين على الاقل في السنه مره مع ام العيال ومره ويا الربع لااازم مايصير ترى مايزعل حد هو ترى
(نصيحه)>>>ياخي ايلس في البلاد وتكشت على هواك محد بيمنعك الدوله مب مقصره من مزارع وتعديل الشواطئ وجبال وسهول من عند الله وبلادنا جميله ماناقصنها شي ابدا
قروا في بيوتكم لكن شو بنقول غير تراها الحلاوه دايما احلى لو كانت في ايد الغير
6_كثره استخدام بطاقات الفيزا والماسترد كارت بداعي وبدون داعي ويسحب الحبيب على المكشوف وتعال شوف الويه شكايل وارم يوم يسير يسحب الراتب ومايحصل غير 100 درهم ويرد ويلس في البيت طول الشهر
ويطلع حرته في اليهال والحرمه...صح كلامي ولا لاء؟
الاسباب عديده وكثيييييره لكن الرب حافظ لكم كلكم
ولاني بنت وبحكم جلوسي الدايم في البيت ومااخرج الا نادر ومن خلال قرائتي البسيطه للجرايد اليوميه اشوف بان هاي انسب الاسباب للقروض والديون الشبابيه
وطبعا حتى البنت العامله تاخذ قرض لسيارتها لكنها في الاخير بتم بنت وما بتديين شرات الشاب
والطريف في الموضوع اخواني ان في بنت غشيمه تسلفت من البنك 500 الف لان حبيبها قص عليها بانه طالبينه البنك ولا يسجنونه وعاد هي خلاف يوم عرفت الحقيقه ندمت ...صدق بانكن ناقصات عقل ودين(8
ثانيا ناتي الى النتايج والعواقب
1_كثره اخذ الربا من البنك وغضب ربك عليك لين يوم الدين وكثره الفوايد البنكيه
2_الشاب المديون لايقدر يسفر عياله ولا يبني بيت ولا يقدر يعيشهم احسن عيشه وفي الاخير يصاب بامراض العصر مثل ضغط الدم والسكر والجلطات بعيد عنا وعن اللي يقرون قولوا امين ..
3_اغلب شبابنا المتزوجين يسكنون في بيوت ايجار وهاي نتيجه سلبيه طبعا
4_لجوء بعض الشباب اللي مافيهم عقل طبعا عندما تكثر عليه الديون الى السرقه والنهب في الاعمال الحره والى النصب والاحتيال للخروج من مازقهم
5_كثره وجود الشباب المواطنين في السجون بسبب الديون
6_الزواج من الاجنبيات واحساس الرجل الدايم بالحسره لزواجه من بنت البلاد لانها سبب في الديون ويكون دايم التردد بينه وبين نفسه ليتني خذيت من برع احسن لي
ثالثا ناتي الى الحلول اللي نشوفها مناسبه
1_نصح الشباب الدايم في الوسايل الاعلاميه والاكثار من دور الاصلاح والتوجيه المعنوي
2_تخفيض المهور والاكثار من الزواج الجماعي
3_شراء سياره بسيطه وعلى قد الحال وبناء فلل صغيره وحليوه ومب لازم بناء قصور وفلل فخمه دام بيزاتك على قدك
4_الذهاب الى الاماكن السياحيه الموجوده في الدوله >>يعني مب لازم كل سنه تنط وتنقز حق السفر والديون وراك لين اخر العمر
وطبعا كل انسان اكيد الحل بايده والله ميزنا بالعقل ولازم ندبر امورنا كلها بالحكمه والعدل
طبعا سامحوني على الا طاله وهذا الموضوع اضعه بين ايديكم واتمنى اني اشوف التواصل ارائكم
السلام عليكم ....
موضوع جديد هذا الاسبوع وانشاء الله الجميع يستفيد منه شباب وبنات وهو عن الشباب مع الديون
(اولا الاسباب)
1_اول شي الشاب الغير المتزوج اغلب ديونه تكون لشراء سياره فخمه وهو ليس بحاجه لها سوى
بانه يتظاهر امام ربعه بانه ولد عز وبانه محد احسن عن حد واغلب شبابنا هذا تفكيرهم السلبي يعني شاب يعمل في الشرطه ولا الجيش او حتى اي مجال اخر معاشه راح يكون اللي يتقاضاه في نهايه الشهر لا يكثر من 10 تالاف درهم ولا دخل اخر له غير هذا الراتب البسيط في ظل هذه الظروف المعيشيه الصعبه وكل معاشه راح يخسره على هاي السياره الفاخره وللكشخه والمظهر الكذاب وهو لا يملك في نهايه الشهر عشر دراهم لصب البترول في السياره ... واغلب شبابنا يشترون اكثر من سايره وماخفي اعظم .....
2_من اسباب الديون يكون بان احد من الشباب يلجأ الى الاعمال الحره ويسحب قرض من البنك على الاقل 300 الف كراس مال للمشروع وهو يتحسب عمره بانه من اشطر التجار وهو حتى في الاخير تلقاه حتى مايفهم في البيع والشراء في المحلات العاديه ويتوهق في الاخير ويخسر كل شي في غمضه عين وياعيني عقب على شكاوي البنك عند المحاكم ليل على نهار يطالبونه بالتسديد
3_ بعض الشباب يلجأ للديون لبناء قصر مش منزل عادي فاخر وفيه حوض وفيه حديقه وفيه شلال
ويتحرى عمره في ماليزيا ويتشري الاثاث الفخم الغالي وكل ها قرض من البنك وهو راس ماله معاشه من وين له يدفع كل ها عقب ؟؟
4_لجوء الشاب للديون بسبب تخلف تفكير بعض الاهالي والحمدلله في طلب المهر الغالي يعني واحد وده يتزوج ويكمل نص د ينه ويستر على نفسه ويبتعد عن الاثم يفكر يتزوج ومن يجد العروس المناسبه له
ينصدم بمهرها وكانه الريال رايح يشتري له ناقه مب بنت (السموحه على هاي اللفظه لكن هذا الحاصل حاليا في مجتمعنا المتخلف) وها غير القرض حق الفندق والفرقه وفستان العروس من عند اروشي وغير ليالي العرس والملجه والحناء يعني بالله عليكم كل هاي المخاسير الريال من وين له بيزات غير انه يلتجا للديون وخلاف يعقون اللوم على الشاب المقترض وياحظك بعد لو طلعت حرمتك تستاهل كل هاي التضحيه لها
5_بعض الشباب من غير ديون السياره على ظهره وديون العروس وبناء البيت تلقونه بعد يتسلف حق السفر والكشته خاري البلاد مرتين على الاقل في السنه مره مع ام العيال ومره ويا الربع لااازم مايصير ترى مايزعل حد هو ترى
(نصيحه)>>>ياخي ايلس في البلاد وتكشت على هواك محد بيمنعك الدوله مب مقصره من مزارع وتعديل الشواطئ وجبال وسهول من عند الله وبلادنا جميله ماناقصنها شي ابدا
قروا في بيوتكم لكن شو بنقول غير تراها الحلاوه دايما احلى لو كانت في ايد الغير
6_كثره استخدام بطاقات الفيزا والماسترد كارت بداعي وبدون داعي ويسحب الحبيب على المكشوف وتعال شوف الويه شكايل وارم يوم يسير يسحب الراتب ومايحصل غير 100 درهم ويرد ويلس في البيت طول الشهر
ويطلع حرته في اليهال والحرمه...صح كلامي ولا لاء؟
الاسباب عديده وكثيييييره لكن الرب حافظ لكم كلكم
ولاني بنت وبحكم جلوسي الدايم في البيت ومااخرج الا نادر ومن خلال قرائتي البسيطه للجرايد اليوميه اشوف بان هاي انسب الاسباب للقروض والديون الشبابيه
وطبعا حتى البنت العامله تاخذ قرض لسيارتها لكنها في الاخير بتم بنت وما بتديين شرات الشاب
والطريف في الموضوع اخواني ان في بنت غشيمه تسلفت من البنك 500 الف لان حبيبها قص عليها بانه طالبينه البنك ولا يسجنونه وعاد هي خلاف يوم عرفت الحقيقه ندمت ...صدق بانكن ناقصات عقل ودين(8
ثانيا ناتي الى النتايج والعواقب
1_كثره اخذ الربا من البنك وغضب ربك عليك لين يوم الدين وكثره الفوايد البنكيه
2_الشاب المديون لايقدر يسفر عياله ولا يبني بيت ولا يقدر يعيشهم احسن عيشه وفي الاخير يصاب بامراض العصر مثل ضغط الدم والسكر والجلطات بعيد عنا وعن اللي يقرون قولوا امين ..
3_اغلب شبابنا المتزوجين يسكنون في بيوت ايجار وهاي نتيجه سلبيه طبعا
4_لجوء بعض الشباب اللي مافيهم عقل طبعا عندما تكثر عليه الديون الى السرقه والنهب في الاعمال الحره والى النصب والاحتيال للخروج من مازقهم
5_كثره وجود الشباب المواطنين في السجون بسبب الديون
6_الزواج من الاجنبيات واحساس الرجل الدايم بالحسره لزواجه من بنت البلاد لانها سبب في الديون ويكون دايم التردد بينه وبين نفسه ليتني خذيت من برع احسن لي
ثالثا ناتي الى الحلول اللي نشوفها مناسبه
1_نصح الشباب الدايم في الوسايل الاعلاميه والاكثار من دور الاصلاح والتوجيه المعنوي
2_تخفيض المهور والاكثار من الزواج الجماعي
3_شراء سياره بسيطه وعلى قد الحال وبناء فلل صغيره وحليوه ومب لازم بناء قصور وفلل فخمه دام بيزاتك على قدك
4_الذهاب الى الاماكن السياحيه الموجوده في الدوله >>يعني مب لازم كل سنه تنط وتنقز حق السفر والديون وراك لين اخر العمر
وطبعا كل انسان اكيد الحل بايده والله ميزنا بالعقل ولازم ندبر امورنا كلها بالحكمه والعدل
طبعا سامحوني على الا طاله وهذا الموضوع اضعه بين ايديكم واتمنى اني اشوف التواصل ارائكم